ചിക്കാഗോ: ചിക്കാഗോയിലെ സെന്റ് മേരീസ് ക്നാനായ കത്തോലിക്കാ ഇടവകയില് മദേഴ്സ് ഡേ ആഘോഷങ്ങള് സംഘടിപ്പിച്ചു. മെയ് 11 ഞായറാഴ്ചയിലെ നാല് വിശുദ്ധ കുര്ബ്ബാനകളോടും ചേര്ന്ന് നടത്തപ്പെട്ട ആഘോഷങ്ങളുടെ ഭാഗമായി ഇടവകയിലെ അമ്മമാര്ക്ക് വേണ്ടി പ്രത്യേക പ്രാത്ഥനകളും ആദരിക്കല് ചടങ്ങുകളും ആഘോഷങ്ങളുടെ ഭാഗമായി സംഘടിപ്പിച്ചു. മിസ്സൂറിയിലെ സ്പ്രിങ്ഫീല്ഡില് സെന്റ് വിന്സന്റ് ഡി പോള് കാത്തലിക്ക് ഇടവകയിലെ അസ്സോസിയേറ്റ് പാസ്റ്ററും കോട്ടയം അതിരൂപതയിലെ വല്ലംബ്രോസന് സന്ന്യാസ സഭാ സമൂഹാംഗവുമായ ഫാ. വിനീഷ് തറയില്, അമ്മ ദിനത്തില് 10 മണിക്കുള്ള വി. കുര്ബ്ബാനയ്ക്ക് മുഖ്യ കാര്മികത്വം വഹിക്കുകയും സന്ദേശം നല്കുകയും ചെയ്തു. മദേഴ്സ് ഡേയുടെ പശ്ചാത്തലത്തില് നമ്മുടെ ജീവിതത്തില് അമ്മമാരുടെ പ്രാധാന്യം എന്താണ് എന്ന് പരിശുദ്ധ അമ്മയുടെ ജീവിതത്തോട് ചേര്ത്തുവച്ചുകൊണ്ട് പരിശോധിക്കുകയും അവ ഓരോ കുടുംബങ്ങളില് പ്രാവര്ത്തികമാക്കുകയും ചെയ്യണം എന്ന് ഫാ. വിനീഷ് ഓര്മ്മിപ്പിച്ചു. ഇടവക വികാരി ഫാ. സിജു മുടക്കോടില്, സെക്രട്ടറി സിസ്റ്റര് ഷാലോം, കൈക്കാരന്മാരായ സാബു കട്ടപ്പുറം, ബിനു പൂത്തുറയില്, ലൂക്കോസ് പൂഴിക്കുന്നേല്, ജോര്ജ്ജ് മറ്റത്തിപ്പറമ്പില്, നിബിന് വെട്ടിക്കാട്ട്, പാരിഷ് കൗണ്സില് സെക്രട്ടറി സണ്ണി മേലേടം, മെന്സ് മിനിസ്റ്റി കോര്ഡിനേറ്റേഴ്സ് എന്നിവര് ആഘോഷങ്ങള്ക്ക് നേതൃത്വം നല്കി. സ്വാദിഷ്ടമായ പായസവിതരണവും ആഘോഷങ്ങളുടെ ഭാഗമായി സംഘടിപ്പിച്ചിരുന്നു.
Facebook
Twitter
