നോവായി കല്യാണി .... മൂന്നുവയസുകാരിയെ അമ്മ പുഴയില് എറിഞ്ഞു കൊലപ്പെടുത്തി ; അമ്മയ്ക്കെതിരെ കൊലക്കുറ്റം ചുമത്തി പൊലീസ്
എറണാകുളം മൂഴിക്കുളത്ത് മൂന്നു വയസുകാരി കല്യാണിയെ പുഴയില് എറിഞ്ഞു കൊന്ന സംഭവത്തില് അമ്മയ്ക്കെതിരെ കൊലക്കുറ്റം ചുമത്തും. എറണാകുളം റൂറല് പോലീസിന്റേതാണ് തീരുമാനം. അമ്മ സന്ധ്യ ഇപ്പോള് ചെങ്ങമനാട് പോലീസിന്റെ കസ്റ്റഡിയിലാണ്, ഇവരുടെ അറസ്റ്റ് ഉടന് രേഖപ്പെടുത്തും. കുഞ്ഞിനെ പുഴയില് എറിയാന് ഉണ്ടായ സാഹചര്യം പൊലീസ് പരിശോധിക്കുകയാണ്. സന്ധ്യയും ഭര്ത്താവിന്റെ കുടുംബവുമായുള്ള പ്രശ്നങ്ങളും പൊലീസ് പരിശോധിക്കുന്നുണ്ട്. ഇന്നലെ കാണാതായ കുട്ടിയുടെ മൃതദേഹം പുലര്ച്ചെ മൂന്ന് മണിയോടെയാണ് ചാലക്കുടി പുഴയില് നിന്ന് കണ്ടെത്തിയത്. മൂഴിക്കുളം പാലത്തിനല് നിന്ന് കുഞ്ഞിനെ താന് പുഴയിലേക്ക് എറിഞ്ഞതാണെന്ന് അമ്മ സന്ധ്യ മൊഴി നല്കിയിട്ടുണ്ട്.
കോരിച്ചൊരിയുന്ന മഴയിലായിരുന്നു എട്ടര മണിക്കൂറോളം നീണ്ട തെരച്ചില് എറണാകുളത്ത് നടന്നത്. ഒടുവില് മൂന്ന് മണിയോടെ മൂഴിക്കുളം പാലത്തിനടിയില് നിന്ന് മൂന്ന് വയസുകാരിയുടെ മൃതദേഹം കണ്ടെത്തുകയായിരുന്നു. അങ്കണവാടിയില് നിന്ന് അമ്മ കൂട്ടിക്കൊണ്ട് പോയ കുഞ്ഞാണ് ചേതനയറ്റ ശരീരമായി പുഴയില് കിടന്നത്. ലോകത്ത് ഏറ്റവും സുരക്ഷിതമെന്ന് കരുതിയ അമ്മയുടെ തന്നെ കൈകളാണ് പിഞ്ചോമനയുടെ ജീവനെടുത്തത്. കുഞ്ഞിനെ കാണാതായതുമായി ബന്ധപ്പെട്ട് തുടക്കം മുതല് പരസ്പര വിരുദ്ധമായ മൊഴികളാണ് അമ്മ നല്കിയിരുന്നത്. ഒടുവില് പുഴയില് എറിഞ്ഞ് കളഞ്ഞുവെന്ന് പറഞ്ഞതും അവര് തന്നെയാണ്. കൊടുംക്രൂരതയുടെ കാരണം എന്തെന്ന് സന്ധ്യ ഇപ്പോഴും വ്യക്തമാക്കിയിട്ടില്ല.
അമ്മയ്ക്ക് മാനസിക പ്രയാസങ്ങളുണ്ടെന്നായിരുന്നു ബന്ധുക്കള് ഇന്നലെ പൊലീസിനോട് പറഞ്ഞത്. എന്നാല് പൊലീസിത് മുഖവിലക്കെടുത്തിട്ടില്ല. സംഭവത്തില് സന്ധ്യയുടെ ഭര്ത്താവിന്റെ വീട്ടുകാരെയടക്കം ഇന്ന് വിളിച്ചുവരുത്തി ചോദ്യം ചെയ്യാനാണ് തീരുമാനം. കുഞ്ഞിന്റെ മൃതദേഹം ആശുപത്രിയിലേക്ക് മാറ്റിയിരിക്കുകയാണ്. പോസ്റ്റ്മോര്ട്ടത്തിന് വിട്ടുകൊടുക്കും
Facebook
Twitter
