അമേരിക്കന് വിസക്ക് പുതിയ നിയന്ത്രണങ്ങള് ഏര്പ്പെടുത്തി ട്രംപ് ഭരണകൂടം. ഹൃദ്രോഗമോ, പ്രമേഹമോ, അമിത വണ്ണമോ ഉണ്ടെങ്കില് വിസ നിഷേധിക്കപ്പെടാന് കാരണമായേക്കാം. യുഎസില് താമസിക്കാന് വിസയ്ക്ക് അപേക്ഷിക്കുന്ന മറ്റ് രാജ്യക്കാര്ക്ക് ആരോഗ്യ പ്രശ്നങ്ങള് ഉണ്ടെങ്കില് അപേക്ഷകള് യുഎസ് കോണ്സുലേറ്റുകള് നിഷേധിക്കാന് സാധ്യതയുണ്ടെന്നാണ് റിപ്പോര്ട്ട്.
പുതിയ നിയന്ത്രണം സംബന്ധിച്ചുള്ള മാര്ഗനിര്ദേശങ്ങള് യുഎസ് സ്റ്റേറ്റ് ഡിപ്പാര്ട്ട്മെന്റ് പുറത്തിറിക്കിയിട്ടുണ്ട്. യുഎസ് കോണ്സുലേറ്റുകളിലേക്കം എംബസികളിലേക്കും ഈ മാര്ഗനിര്ദേശങ്ങള് അയച്ചുകഴിഞ്ഞതായാണ് വിവരം. ഗുരുതര ആരോഗ്യപ്രശ്നങ്ങള് ഉള്ളവര് അമേരിക്കയിലേക്ക് കുടിയേറിയാല് അവരുടെ ചികിത്സാല ചെലവുകളുമായി ബന്ധപ്പെട്ട് ലക്ഷകണക്കിന് ഡോളറിന്റെ ബാധ്യത രാജ്യത്തിന് ഉണ്ടാകുമെന്ന യുഎസ് സ്റ്റേറ്റ് ഡിപ്പാര്ട്ട്മെന്റിന്റെ കണ്ടെത്തലാണ് പുതിയ നിയന്ത്രണങ്ങള്ക്ക് ഇടയാക്കിയിരിക്കുന്നത്. അമേരിക്കയില് താമസമാക്കിയിരിക്കുന്ന ഇന്ത്യക്കാര്ക്ക് പുതിയ നിയന്ത്രണം തിരിച്ചടിയാകും.
സാംക്രമിക രോഗങ്ങള്ക്കായുള്ള പരിശോധന, വാക്സിനേഷന്, പകര്ച്ചവ്യാധികള്, മാനസികാരോഗ്യ അവസ്ഥകള് എന്നിവ എല്ലായ്പ്പോഴും വിസ അപേക്ഷാ പ്രക്രിയയുടെ ഭാഗമായിട്ടുണ്ട്. അതേസമയം അമേരിക്കന് പാസ്പോര്ട്ടില് ലിം?ഗസൂചകത്തില് ട്രാന്സ്ജന്ഡേഴ്സിന് ഇനി ഇടമുണ്ടാകില്ല. പ്രസിഡന്റ് ഡോണള്ഡ് ട്രംപിന്റെ നയം നടപ്പാക്കാന് സുപ്രീംകോടതി അനുമതി നല്കി. ഇനി പാസ്പോര്ട്ടില് ലിം?ഗ സൂചകത്തില് പുരുഷന്/സ്ത്രീ എന്ന് മാത്രമായി പരിമിതപ്പെടുത്തും.
Facebook
Twitter
