യുകെയില് വീടുകളുടെ വില 2025 ജനുവരിക്ക് ശേഷമുള്ള ഏറ്റവും ഉയര്ന്ന നിലയിലേക്ക്. ഹാലിഫാക്സ് പുറത്തിറക്കിയ പുതിയ പ്രോപ്പര്ട്ടി വില സൂചിക പ്രകാരം, ഒക്ടോബറില് വീടുകളുടെ വില 0.6% വര്ധിച്ച് ശരാശരി വില 2,99,862 പൗണ്ട് ആയി ഉയര്ന്നു. സെപ്റ്റംബറില് 0.3% ഇടിവ് രേഖപ്പെടുത്തി പിന്നീട് സ്ഥിതി മാറുകയായിരുന്നു.വാര്ഷികമായി വീടുകളുടെ വില 1.9% ഉയര്ന്നതായും ഇത് സാമ്പത്തിക വിദഗ്ധര് പ്രവചിച്ച 1.5 ശതമാനത്തിനെ മറികടന്നതായും റിപ്പോര്ട്ടുകള് സൂചിപ്പിക്കുന്നത്
വീട് വാങ്ങാനെത്തുന്നവരുടെ എണ്ണം കൂടിയതാണ് വിപണിക്ക് ഉത്തേജനം ആയതെന്ന് ഹാലിഫാക്സ് മോര്ട്ട്ഗേജ് വിഭാഗം മേധാവി അമാന്ഡ ബ്രൈഡന് വ്യക്തമാക്കി. മോര്ട്ട്ഗേജ് വായ്പകളുടെ എണ്ണം ഈ വര്ഷത്തിലെ ഏറ്റവും ഉയര്ന്ന നിലയിലെത്തിയിട്ടുണ്ട്.
നവംബര് 26-നുള്ള ബജറ്റില് ചാന്സലര് റേച്ചല് റീവ്സ് അവതരിപ്പിക്കാനിരിക്കുന്ന നികുതി മാറ്റങ്ങളെപ്പറ്റിയുള്ള അനിശ്ചിതത്വത്തെയും മറികടന്നാണ് വീടിന്റെ വിപണി വിലയിലെ പോക്ക്.
ഡിസംബര് മുതല് വീടുകള് വാങ്ങുന്നവരുടെ എണ്ണം കൂടുമെന്നാണ് റിയല് എസ്റ്റേറ്റ് ഏജന്സികള് കരുതുന്നത്.
ബ്രിട്ടനില് വാടക ചെലവുകളും നിയന്ത്രണം വിട്ട അവസ്ഥയിലാണെന്ന് റെന്റേഴ്സ് റിഫോം കൊളീഷന് പറയുന്നു. വരുമാനത്തിന്റെ 44% വരെ വാടകയ്ക്കായി മാറ്റിവയ്ക്കേണ്ട സ്ഥിതിയാണ്. ലണ്ടനില് വാടകയ്ക്ക് നല്കാനായി പരസ്യപ്പെടുത്തിയ വീടുകളുടെ ശരാശരി നിരക്ക് 2736 പൗണ്ടാണ്. ഒരു വര്ഷം മുന്പത്തെ നിരക്കുമായി താരതമ്യം ചെയ്യുമ്പോള് 1.6 ശതമാനമാണ് വര്ധിച്ചിരിക്കുന്നത്. വീട്ടുവാടകയും വര്ദ്ധിച്ച ജീവിത ചെലവും ജനങ്ങളുടെ ജീവിതത്തെ കാര്യമായി ബാധിക്കുന്നുണ്ട്.
Facebook
Twitter
