റേച്ചല് റീവ്സിന് ഖജനാവിലേക്ക് പണം വേണം. അങ്ങനെ വരുമ്പോള് പെന്ഷന് പോട്ടുകള് സുരക്ഷിതമാകുമോ? ഒരിക്കലും ഇല്ല. വരുന്ന ബജറ്റ് അവതരണത്തില് പെന്ഷന് പോട്ടുകളില് നിന്നും പണം പിടിക്കാനുള്ള പദ്ധതിയുമായി ചാന്സലര് രംഗത്തിറങ്ങുമെന്നാണ് ഇപ്പോള് വ്യക്തമാകുന്നത്.
ജോലിക്കാര് സാലറി ത്യജിച്ച് പെന്ഷന് സ്കീമുകളിലേക്ക് മാറ്റുന്ന രീതിയാണ് ലക്ഷ്യമിടുന്നത്. ഇതില് ജോലിക്കാര്ക്കും, എംപ്ലോയേഴ്സിനും നല്കുന്ന നികുതിരഹിത പരിധി ഉയര്ത്തുകയാണ് റീവ്സിന്റെ ഉദ്ദേശം. ഇതുവഴി 2 ബില്ല്യണ് പൗണ്ട് ഖജനാവിലേക്ക് ഉയര്ത്താന് ചാന്സലര്ക്ക് സാധിക്കും.
എന്നാല് പെന്ഷന് സേവിംഗ്സ് നടത്തുന്നവരെ പ്രോത്സാഹിപ്പിക്കുന്നതിന് പകരം വേട്ടയാടുന്നത് ലേബര് എംപിമാരില് നിന്നും ഉള്പ്പെടെ വിമര്ശനത്തിന് ഇടയാക്കും. ഇതിന് പുറമെ ഇന്കം ടാക്സ് വര്ദ്ധിപ്പിക്കുമെന്നും വ്യക്തമായതിനാല് പാര്ട്ടി എംപിമാരെ അനുനയിപ്പിക്കാനുള്ള ശ്രമങ്ങളിലാണ് ഗവണ്മെന്റ്.
പ്രകടപത്രികയ്ക്ക് വിരുദ്ധമായ നടപടികളുമായി റീവ്സ് വരുമ്പോള് ആശങ്കയിലാകുന്നത് ലേബര് എംപിമാരാണ്. പ്രത്യേകിച്ച് ഇന്കം ടാക്സ് ഉള്പ്പെടെ പ്രധാന നികുതികള് വര്ദ്ധിപ്പിക്കുന്നത് ജനങ്ങളില് നിന്നും ചോദ്യങ്ങള് ഉയര്ത്തും. ഈ സാഹചര്യത്തിലാണ് നം.10-ല് എംപിമാര്ക്ക് ബ്രേക്ക്ഫാസ്റ്റുകള് സംഘടിപ്പിച്ചും, ഇക്കണോമിക്സ് ക്ലാസെടുത്തും സമാധാനിപ്പിക്കാന് ഡൗണിംഗ് സ്ട്രീറ്റ് ശ്രമിക്കുന്നത്.
മുന്പ് വെല്ഫെയര് പരിഷ്കാരങ്ങള് നടപ്പാക്കാന് ശ്രമിച്ചപ്പോള് പാര്ട്ടി എംപിമാരുടെ വിമത നീക്കത്തില് ഗവണ്മെന്റ് പകച്ചുപോയിരുന്നു. ബജറ്റ് അവതരണത്തില് ഇത്തരം അപ്രതീക്ഷിത സംഭവങ്ങള് ഒഴിവാക്കാനാണ് ഇപ്പോള് ശ്രമം.
Facebook
Twitter
