അഞ്ജലി മേനോന്റെ സംവിധാനത്തില് 2014 ല് തിയേറ്ററില് എത്തി ഹിറ്റടിച്ച ചിത്രമാണ് ബാംഗ്ലൂര് ഡേയ്സ്. സിനിമ തമിഴിലേക്ക് റീമേക്ക് ചെയ്ത് തങ്ങള് നശിപ്പിച്ചുവെന്ന് പറയുകയാണ് റാണ ദഗുബതി. മലയാളത്തില് നസ്രിയ, ദുല്ഖര്, നിവിന് പോളി, ഫഹദ് ഫാസില്, പാര്വതി തിരുവോത്ത് എന്നിവരായിരുന്നു പ്രധാന വേഷത്തില് എത്തിയത്. തമിഴ് പതിപ്പില് ആര്യ, ബോബി സിംഹ, റാണ ദഗുബട്ടി, പാര്വതി തിരുവോത്ത്, ലക്ഷ്മി റായ് എന്നിവരായിരുന്നു അഭിനയിച്ചത്.
ഇരു സിനിമയിലെയും അഭിനേതാക്കളെ തമ്മില് താരതമ്യം ചെയ്ത് തമിഴില് 'നമ്മളെ കണ്ടാല് റിട്ടയര് ജീവിതം നയിക്കുന്ന മധ്യവയസ്ക്കരെ പോലെയുണ്ടെന്ന്' നടന് ആര്യ കളിയാക്കാറുണ്ടെന്ന് റാണ പറഞ്ഞു.
'ഞാനും ദുല്ഖറും സ്കൂള്മേറ്റ്സ് ആണ്, ദുല്ഖര് അഭിനയിച്ചതില് എനിക്ക് വളരെ ഇഷ്ടം തോന്നിയത് ബാംഗ്ലൂര് ഡേയ്സിലെ കഥാപാത്രത്തോടാണ്. ഞങ്ങള് ആ സിനിമ തമിഴിലേയ്ക്ക് റീമേക്ക് ചെയ്തു നശിപ്പിച്ച് കളഞ്ഞു. ചിത്രത്തിന്റെ ഷൂട്ടിങ്ങിനിടയില് നടന് ആര്യ എന്നോട് പറഞ്ഞത് ഇപ്പോഴും ഓര്ക്കുന്നു, 'മച്ചാ നോക്ക് ദുല്ഖറിനെയും നിവിനേയും, അവര് ചെറിയ പിള്ളേരാണ്, നമ്മളെ കണ്ടാല് റിട്ടയര് ജീവിതം നയിക്കുന്ന മധ്യവയസ്ക്കരെ പോലെയുണ്ട്,' റാണ പറഞ്ഞു. സിനിമയുടെ ചിത്രീകരണ സമയത്ത് റാണ നിരന്തരം തന്നെ വിളിക്കാറുണ്ടെന്നും എന്തിനാണ് എപ്പോഴും വിളിക്കുന്നതെന്ന് ചോദിച്ചപ്പോള് നിന്നെയാണ് ഞാന് ഈ സിനിമയില് കണ്ടുകൊണ്ടിരിക്കുന്നത് മിസ് ചെയ്തിട്ടാണെന്ന് റാണ പറയുമായിരുന്നുവെന്ന് ദുല്ഖര് പറഞ്ഞു.
Facebook
Twitter
