പാളയത്തെ വീട്ടില് കൊല്ലപ്പെട്ട ബിജുവിന്റെ ശരീരത്തില് 45 മുറിവുകളുണ്ടെന്ന് പോസ്റ്റ്മോര്ട്ടത്തില് കണ്ടെത്തല്. കഴുത്തിന്റെ മുന്പിലും പിന്ഭാഗത്തും 18 കുത്തുകളുണ്ട്. കിച്ചണ് നൈഫ് ഉപയോഗിച്ചാവാം കൊലപാതകമെന്നാണ് അന്വേഷണ സംഘത്തിന്റെ നിഗമനം. ഇന്നലെ പുലര്ച്ചെ മൂന്നു മണിയോടെയാണ് കോഴിക്കോട് പാളയത്തെ ഒറ്റമുറി വീട്ടില് ബിജുവിനെ കൊല്ലപ്പെട്ട നിലയില് കണ്ടെത്തിയത്. പ്രതിക്കായുള്ള അന്വേഷണം ഊര്ജിതമാക്കിയിരിക്കുകയാണ് അന്വേഷണ സംഘം. പാളയം പച്ചക്കറി മാര്ക്കറ്റിലെ സിസിടിവി ദൃശ്യങ്ങള് പൊലീസ് ശേഖരിച്ചു.
കൊലപാതകത്തിന് പിന്നില് ലഹരി സംഘമാണെന്ന് കുടുംബം ആരോപിച്ചു. പ്രദേശത്ത് ലഹരി സംഘം സജീവമായിരുന്നുവെന്നും ഇതിനെ ബിജു ചോദ്യം ചെയ്തിരുന്നുവെന്നും അമ്മ പറഞ്ഞു. വീടിനോട് ചേര്ന്നുള്ള ഗ്രൗണ്ടില് പരസ്യ മദ്യപാനത്തിനായി എത്തുന്നവരെ കുറിച്ചുള്ള വിവരങ്ങള് ഓപ്പറേഷന് തൂഫാന്റെ ഭാഗമായി ബിജു പൊലീസിനെ അറിയിച്ചിരുന്നുവെന്ന് കുടുംബം പറയുന്നു. ഇതേ തുടര്ന്നുള്ള വൈരാഗ്യമാണോ കൊലപാതകത്തിലേക്ക് നയിച്ചതെന്ന് കുടുംബം സംശയിക്കുന്നു.
Facebook
Twitter
