എയര് കാനഡയ്ക്ക് 2026ലെ രണ്ടാം പാദത്തില് 178 മില്യണ് കനേഡിയന് ഡോളര് അറ്റനഷ്ടം. കഴിഞ്ഞ വര്ഷം ഇതേ കാലയളവില് 186 മില്യണ് ഡോളര് അറ്റാദായം നേടിയ സ്ഥാനത്താണ് ഇത്തവണ നഷ്ടം രേഖപ്പെടുത്തിയത്.
ഒരു ഓഹരിക്ക് 63 സെന്റ് എന്ന തോതിലാണ് കമ്പനിയുടെ ഡൈല്യൂട്ടഡ് നഷ്ടം. കഴിഞ്ഞ വര്ഷം ഇതേ പാദത്തില് ഒരു ഓഹരിക്ക് 51 സെന്റ് ലാഭമായിരുന്നു.
അതേസമയം, കമ്പനിയുടെ വരുമാനം ഉയര്ന്നു. രണ്ടാം പാദത്തില് 6.3 ബില്യണ് ഡോളറാണ് വരുമാനം, കഴിഞ്ഞ വര്ഷത്തെ 5.6 ബില്യണ് ഡോളറിനെ അപേക്ഷിച്ച് വര്ധനവാണ് രേഖപ്പെടുത്തിയത്.
കമ്പനിയുടെ സാമ്പത്തിക ഫലങ്ങള്ക്കൊപ്പം Aeroplan Inc.-ല് 2.5 ബില്യണ് ഡോളറിന്റെ ന്യൂനപക്ഷ ഓഹരി നിക്ഷേപവും എയര് കാനഡ പ്രഖ്യാപിച്ചു. ബ്ലാക്ക്സ്റ്റോണ്, ലാ കെയ്സ് എന്നിവയുള്പ്പെടെയുള്ള നിക്ഷേപകരുടെ ഫണ്ടുകളാണ് നിക്ഷേപം നടത്തുന്നത്.
കരാര് പ്രകാരം നിക്ഷേപക സംഘം Aeroplan-ല് 25 ശതമാനം നോണ്-കണ്ട്രോളിംഗ് ഓഹരി സ്വന്തമാക്കും. എന്നാല് Aeroplan-ന്റെ പ്രവര്ത്തന നിയന്ത്രണം പൂര്ണമായും എയര് കാനഡയുടെ കൈകളില് തുടരും. കമ്പനിക്ക് നിയന്ത്രണ ഓഹരി ഉടമസ്ഥതയും നിലനില്ക്കും.
Facebook
Twitter
