ബ്രിട്ടനിലെ കുടുംബങ്ങളുടെ ജീവിതച്ചെലവ് പ്രതിസന്ധി കൂടുതല് മോശമാകുമെന്ന് സൂചന. കുതിച്ചുയരുന്ന എനര്ജി ബില്ലുകള് ജൂലൈയിലെ പണപ്പെരുപ്പം 3 ശതമാനത്തിന് അരികിലേക്ക് എത്തിച്ചിരിക്കുമെന്ന സൂചനകളാണ് ഇതിന് കാരണം. ഈയാഴ്ച ഓദ്യോഗിക പണപ്പെരുപ്പ കണക്കുകള് പുറത്തുവരാന് ഇരിക്കവെയാണ് മുന്നറിയിപ്പ്.
ഇറാന് യുദ്ധം മൂലം ആഗോള എനര്ജി വിപണികള് ഞെട്ടലില് നിന്നും മുക്തമായിട്ടില്ല. കഴിഞ്ഞ മാസം യുകെ ഗ്യാസ്, ഇലക്ട്രിസിറ്റി ബില്ലുകള് ഉയര്ന്നത് രാജ്യത്തെ ഹെഡ്ലൈന് പണപ്പെരുപ്പ നിരക്ക് 2. ശതമാനത്തിലേക്ക് തള്ളിവിടുമെന്നാണ് ഇക്കണോമിസ്റ്റുകളുടെ പ്രവചനം.
ജൂണിലെ 2.6 ശതമാനത്തില് നിന്നും ഈ നിലയിലേക്ക് കുതിച്ചുചാടിയാല് ജനങ്ങളുടെ ബജറ്റിന് ഇത് കനത്ത ഷോക്കായി മാറും. സെപ്റ്റംബറില് പലിശ നിരക്കുകള് വര്ദ്ധിപ്പിക്കാന് ബാങ്ക് ഓഫ് ഇംഗ്ലണ്ട് തീരുമാനിച്ചേക്കുമെന്ന് ആശങ്കയുണ്ട്.
ഇതിനിടെ വരള്ച്ചാ കാലത്ത് വെള്ളം ഉപയോഗിക്കുന്നതിന് 'സര്ജ് പ്രൈസിംഗ് ഏര്പ്പെടുത്താന് വാട്ടര് റെഗുലേറ്റര് ഓഫ്വാട്ട് പദ്ധതി ആലോചിക്കുന്നതായാണ് റിപ്പോര്ട്ട്. സമ്മര് കാലത്ത് വെള്ളം ഉപയോഗിക്കുന്നതിന് നിരക്ക് കൂടുതലും, വിന്ററില് നിരക്ക് കുറയുകയും ചെയ്യുന്ന രീതിയാണ് വരുന്നത്. ഇതിന് പുറമെ അനുവദനീയമായ പരിധി കടന്നാല് ഉയര്ന്ന നിരക്ക് ഈടാക്കാനുള്ള ആലോചനയും നടക്കുന്നതായാണ് റിപ്പോര്ട്ട്.
Facebook
Twitter
