ബ്രിട്ടനില് സാല്മൊണെല്ല ഭക്ഷ്യവിഷബാധയെ തുടര്ന്ന് ഒരാള് മരിക്കുകയും നൂറുകണക്കിന് ആളുകള്ക്ക് രോഗബാധ സ്ഥിരീകരിക്കുകയും ചെയ്തു. യുകെയ്ക്ക് പുറത്തുനിന്ന് ഇറക്കുമതി ചെയ്ത മുട്ടകളാണ് രോഗബാധയുടെ ഉറവിടമെന്നാണ് യുകെ ഹെല്ത്ത് സെക്യൂരിറ്റി ഏജന്സി (യുകെഎച്ച്എസ്എ ) വ്യക്തമാക്കുന്നത്.
കഴിഞ്ഞ വര്ഷം ഓഗസ്റ്റ് 11 മുതല് ഈ വര്ഷം ഓഗസ്റ്റ് ഒന്നുവരെ ബ്രിട്ടനില് 207 സാല്മൊണെല്ല കേസുകള് കണ്ടെത്തിയതായി യുകെഎച്ച്എസ്എ അറിയിച്ചു. ഇതില് 199 കേസുകള് ഇംഗ്ലണ്ടിലും ആറ് കേസുകള് സ്കോട്ട്ലാന്ഡിലും വെയില്സിലും വടക്കന് അയര്ലന്ഡിലും ഓരോ കേസുകള് വീതവുമാണ് റിപ്പോര്ട്ട് ചെയ്തത്.
ഇംഗ്ലണ്ടില് ഏറ്റവും കൂടുതല് കേസുകള് റിപ്പോര്ട്ട് ചെയ്തത് ലണ്ടനിലാണ്. ഇവിടെ 47 കേസുകള് കണ്ടെത്തി. യോര്ക്ക്ഷയറിലും ഹംബര് മേഖലയിലും 38 കേസുകള് വീതം റിപ്പോര്ട്ട് ചെയ്തിട്ടുണ്ട്.
രോഗബാധിതരില് ഏകദേശം 38 ശതമാനം പേരെയും ആശുപത്രിയില് പ്രവേശിപ്പിച്ചതായാണ് റിപ്പോര്ട്ടുകള്. രണ്ടുപേരുടെ നില അതീവ ഗുരുതരമായി തുടരുകയാണ്. 90 വയസ്സ് വരെയുള്ള പ്രായമുള്ളവരിലും രോഗബാധ കണ്ടെത്തിയതായി റിപ്പോര്ട്ടുകളുണ്ട്.
സാല്മൊണെല്ല ബാധയുടെ പ്രധാന ലക്ഷണങ്ങളില് വയറുവേദന, വയറിളക്കം, ഛര്ദ്ദി, പനി എന്നിവ ഉള്പ്പെടുന്നു. രോഗലക്ഷണങ്ങള് സാധാരണയായി അണുബാധയ്ക്ക് ശേഷം ഏതാനും ദിവസങ്ങള്ക്കുള്ളില് പ്രത്യക്ഷപ്പെടാം.
വിദേശത്തുനിന്ന് ഇറക്കുമതി ചെയ്ത മുട്ടകളുമായി ബന്ധപ്പെട്ട ഭക്ഷ്യശൃംഖലയിലാണ് രോഗബാധയുടെ ഉറവിടം കണ്ടെത്തിയതെന്നാണ് ആരോഗ്യ അധികൃതരുടെ വിലയിരുത്തല്. സംഭവത്തില് കൂടുതല് അന്വേഷണം തുടരുകയാണ്.
Facebook
Twitter
