യുകെയില്‍ തുടര്‍ച്ചയായി അഞ്ചാം ദിവസവും പ്രതിദിന കോവിഡ് കേസുകള്‍ 50,000 കവിഞ്ഞു; ഇന്നലെ 57,725 കോവിഡ് കേസുകളും 445 മരണങ്ങളും;ഒരാഴ്ചക്കിടെ മരണത്തില്‍ 111 ശതമാനവും കേസുകളില്‍ 66 ശതമാനവും പെരുപ്പം; കടുത്ത മുന്നറിയിപ്പുമായി എക്‌സ്പര്‍ട്ടുകള്‍

യുകെയില്‍ തുടര്‍ച്ചയായി അഞ്ചാം ദിവസവും പ്രതിദിന കോവിഡ് കേസുകള്‍  50,000 കവിഞ്ഞുവെന്ന് ഏറ്റവും പുതിയ റിപ്പോര്‍ട്ടുകള്‍ വെളിപ്പെടുത്തുന്നു. എന്നാല്‍ കോവിഡ് ബാധിച്ച് ആശുപത്രിയിലായവരുടെ പ്രതിദിന മരണം 500ന് താഴോട്ട് പോയെന്നത് മാത്രമാണ് ആശ്വാകരമായ കാര്യം.  ഇന്നലെ 57,725 കോവിഡ് കേസുകളും  445 മരണങ്ങളുമാണ് ഇന്നലെ രേഖപ്പെടുത്തിയിരിക്കുന്നത്. ഇതോടെ ഔദ്യോഗിക കണക്കുകള്‍ പ്രകാരം രാജ്യത്തെ മൊത്തം കോവിഡ് മരണങ്ങള്‍ 74,570 ആയാണ് കുതിച്ചുയര്‍ന്നിരിക്കുന്നത്.   എന്നാല്‍ മരണസര്‍ട്ടിഫിക്കറ്റില്‍ കോവിഡ് കാരണം രേഖപ്പെടുത്താത്തവരെ കൂടി കണക്കിലെടുത്താല്‍ രാജ്യത്തെ മൊത്തം കോവിഡ് മരണങ്ങള്‍ 90,000 ആണെന്നും റിപ്പോര്‍ട്ടുണ്ട്. കഴിഞ്ഞ ശനിയാഴ്ചത്തെ കേസുകളായ 34,693മായി താരതമ്യപ്പെടുത്തുമ്പോള്‍ ഇക്കാര്യത്തില്‍ ഇന്നലെ 66 ശതമാനമാണ് പെരുപ്പമുണ്ടായിരിക്കുന്നത്.  കഴിഞ്ഞ ശനിയാഴ്ച 210 മരണങ്ങള്‍ രേഖപ്പെടുത്തിയതുമായി താരതമ്യപ്പെടുത്തുമ്പോള്‍ ഇന്നലെ ശനിയാഴ്ച ഇക്കാര്യത്തില്‍ 111 ശതമാനം പെരുപ്പമാണ് രേഖപ്പെടുത്തിയിരിക്കുന്നത്.  രോഗം പൊട്ടപ്പുറപ്പെട്ട കാലം മുതലുള്ള കണക്കെടുക്കുമ്പോള്‍ രാജ്യത്ത് മൊത്തം 2,599,789 പേര്‍ക്കാണ് കോവിഡ് ബാധിച്ചിരിക്കുന്നത്.  രാജ്യമാകമാനം ഹോസ്പിറ്റലുകളിലെല്ലാം പരിധി വിട്ട് കോവിഡ് രോഗികള്‍ പെരുകുന്നതും പകര്‍ച്ചാസാധ്യതയേറിയ പുതിയ സ്‌ട്രെയിനിലുള്ള കോവിഡ് വൈറസ് പെരുകുന്നതും രാജ്യത്ത് വരും നാളുകളില്‍ കോവിഡിനെ കൂടുതല്‍ വഷളാക്കുമെന്നാണ് എക്‌സ്പര്‍ട്ടുകള്‍ മുന്നറിയിപ്പേകുന്നത്.  അടുത്ത ഏതാനും മാസങ്ങളില്‍ കോവിഡിനോട് പോരാടുന്നതിനെക്കുറിച്ചോര്‍ത്ത് ഹെല്‍ത്ത് കെയര്‍ വര്‍ക്കര്‍മാര്‍ ഇപ്പോള്‍ തന്നെ ഭീതിതരാണെന്നാണ് റോയല്‍ കോളജ് ഓഫ് ഫിസിഷ്യന്‍സ് പ്രസിഡന്റായ പ്രഫ. ആന്‍ഡ്ര്യൂ ഗോഡാര്‍ഡ് മുന്നറിയിപ്പേകുന്നത്.  ഓക്‌സ്‌ഫോര്‍ഡ്-അസ്ട്രാസെനക വാക്‌സിന്റെ ഫസ്റ്റ് ബാച്ചുകള്‍ വിതരണം ചെയ്യാന്‍ ആശുപത്രികളിലെത്തിയ വേളയിലാണ് പുതിയ കോവിഡ് കണക്കുകള്‍ പുറത്ത് വന്നിരിക്കുന്നത്. ഇന്ന് മുതലാണ് പ്രസ്തുത വാക്‌സിന്‍ വിതരണം ആരംഭിക