ടിവി ഓഫാക്കി കണ്ണില്‍ മരുന്ന് ഒഴിച്ചുതരാന്‍ ആവശ്യപ്പെട്ടു ; ദേഷ്യത്തില്‍ കഴുത്തിലും മുഖത്തും കുത്തി പിതാവിനെ കൊലപ്പെടുത്തി മകന്‍
ടിവി ഓഫ് ചെയ്യാന്‍ ആവശ്യപ്പെട്ട പിതാവിനെ കറി കത്തി കൊണ്ട് കുത്തി കൊലപ്പെടുത്തി മകന്‍. പൂനെയില്‍ 42 കാരനായ സച്ചിന് പൈഗുഡയാണ് പിതാവിനെ കൊലപ്പെടുത്തിയത്. സംഭവത്തിന് പിന്നാലെ ഇയാള്‍ അറസ്റ്റിലായി. പിതാവ് തനാജി പൈഗുഡയാണ് ക്രൂരമായി കൊല്ലപ്പെട്ടത്.
ടിവി ഓഫ് ചെയ്യാനും തന്റെ കണ്ണില്‍ തുള്ളിമരുന്ന് ഒഴിക്കാനുമാണ് തനാജി മകനോട് ആവശ്യപ്പെട്ടത്. എന്നാല്‍ സച്ചിന് ഇതിന് തയ്യാറായില്ല. തുടര്‍ന്ന് ഇരുവരും തമ്മില്‍ തര്‍ക്കമാവുകയായിരുന്നു. തര്‍ക്കം മുറുകിയതോടെ കോപാകുലനായ സച്ചിന് പിതാവിനെ ആക്രമിക്കുകയും കഴുത്തിലും മുഖത്തും കുത്തുകയും ചെയ്തു. ഗുരുതരമായി പരിക്കേറ്റ തനാജി സംഭവ സ്ഥലത്തു തന്നെ മരിച്ചു. സച്ചിന്റെ അമ്മ സുമനാണ് പരാതി നല്‍കിയത്. ഇവരുടെ പരാതിയിലാണ് പ്രതിയെ അറസ്റ്റ് ചെയ്തത്.
Facebook
Twitter
