വാണിജ്യം, നിക്ഷേപം ,ഊര്‍ജം, ആണവോര്‍ജം തുടങ്ങിയ മേഖലകളിലെ പങ്കാളിത്തം ശക്തമാക്കാന്‍ ഇന്ത്യയും കാനഡയും തീരുമാനിച്ചു. കാനഡയുടെ വിദേശകാര്യമന്ത്രി അനിത ആനന്ദും വിദേശകാര്യ മന്ത്രി എസ് ജയശങ്കറും തമ്മില്‍ നടന്ന ചര്‍ച്ചയിലാണ് തീരുമാനം. ഇതിനുള്ള മാര്‍ഗരേഖ തയ്യാറാക്കിയതായും ജയശങ്കര്‍ പറഞ്ഞു.
കാനഡ ഇന്ത്യ സിഇഒ ഫോറം പുനരാരംഭിക്കും. അടുത്ത വര്‍ഷം ആദ്യ സമ്മേളനം നടക്കും. കാനഡ ഇന്ത്യ മിന്‌സിറ്റീരിയല്‍ എനര്‍ജി ഡയലോഗും പുനസ്ഥാപിക്കും. എല്‍എന്‍ജി, എല്‍പിജി വ്യാപാരവും ഓയില്‍ ഗ്യാസ് മേഖലയിലെ പര്യവേക്ഷണ ഉല്‍പാദന പങ്കാളിത്തവും ശക്തമാക്കും.
പ്രധാനമന്ത്രി നരേന്ദ്ര മോദി ഉള്‍പ്പെടെയുള്ളവരുമായി അനിത ആനന്ദ് കൂടിക്കാഴ്ച നടത്തി. അനിത ആനന്ദിന്റെ സന്ദര്‍ശനം ഇന്ത്യ കാനഡ ബന്ധത്തിന് പുതിയ ഊര്‍ജം നല്‍കുമെന്ന് പ്രധാനമന്ത്രി മോദി കൂടിക്കാഴ്ചയ്ക്ക് ശേഷം പ്രതികരിച്ചു. ഖലിസ്ഥാന്‍ നേതാവ് ഹര്‍ദീപ് സിങ് നിജ്ജറിന്റെ വധത്തെ തുടര്‍ന്ന് വിള്ളല്‍ വീണ ഇന്ത്യ കാനഡ ബന്ധം ഏതാനും മാസം മുമ്പാണ് വീണ്ടും മെച്ചപ്പെട്ടത്.
Facebook
Twitter
