കാര്‍ ഷോറൂമിലെ സര്‍വീസ് സെന്ററിലെത്തിച്ച കാര്‍ പിന്നിലേക്കെടുക്കവേ നിയന്ത്രണം വിട്ട് ഇടിച്ചു, ജീവനക്കാരന്‍ മരിച്ചു
കാര്‍ ഷോറൂമിലെ സര്‍വീസ് സെന്ററിലെത്തിച്ച കാര്‍ പിന്നിലേക്കെടുക്കവേ നിയന്ത്രണം വിട്ടു ഇടിച്ചു ജീവനക്കാരന്‍ മരിച്ചു. എം.സി റോഡില്‍ പ്രാവിന്‍കൂടിനു സമീപം പ്രവര്‍ത്തിക്കുന്ന കാര്‍ സര്‍വീസ് സെന്ററിലാണ് സംഭവം. ഫ്‌ലോര്‍ ഇന്‍ ചാര്‍ജ് അനന്തു സി നായര്‍ (32) ആണ് മരിച്ചത്.
കഴിഞ്ഞ ദിവസം പകല്‍ മൂന്നരയോടെയായിരുന്നു അപകടം. സര്‍വീസ് സെന്ററിലെ മറ്റൊരു ജീവനക്കാരന്‍ പിന്നോട്ടെടുത്ത കാര്‍ നിയന്ത്രണം വിട്ട് അനന്തുവിനെ ഇടിക്കുകയായിരുന്നെന്നു ചെങ്ങന്നൂര്‍ പൊലീസ് പറഞ്ഞു. കാറിനും ഭിത്തിക്കുമിടയില്‍പ്പെട്ട് ഗുരുതരമായ പരിക്കേറ്റ അനന്തുവിനെ തിരുവല്ലയിലെ സ്വകാര്യ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല
Facebook
Twitter
