യുഎസില്‍ ഇന്നലെ പ്രതിദിന കൊറോണ മരണം ദിവസങ്ങള്‍ക്ക് ശേഷം വളരെ ചുരുങ്ങിയത് കടുത്ത ാശ്വാസമേകുന്നു. ഇത് പ്രകാരം ഇന്നലെ രാജ്യത്ത് കൊറോണ ജീവനെടുത്തത് വെറും 921 പേരുടേതാണ്. തൊട്ട് തലേ ദിവസത്തെ മരണമായ 926 നേക്കാള്‍ അല്‍പം കൂടി മരണം താഴ്ന്നിരിക്കുന്നത് കടുത്ത ആശ്വാസമേകുന്നുണ്ട്.യുഎസില്‍ കഴിഞ്ഞ ഞായറാഴ്ചയായിരുന്നു ദിവസങ്ങള്‍ക്ക് ശേഷം ഇത്തരത്തില്‍ പ്രതിദിന കൊറോണ മരണത്തില്‍ വന്‍ ഇടിവുണ്ടായി മരണം 957ലേക്ക് താഴ്ന്നിരുന്നത്. എന്നാല്‍ ഇന്നലത്തെ മരണം അതിനേക്കാള്‍ താഴ്ന്നിരിക്കുന്നത് കടുത്ത പ്രതീക്ഷയാണ് അമേരിക്കക്കാര്‍ക്ക് ഏകിയിരിക്കുന്നത്.രാജ്യത്ത് ശനിയാഴ്ചത്തെ പ്രതിദിന മരണമായ 1,584 ഉം വെള്ളിയാഴ്ചത്തെ പ്രതിദിന മരണമായ 1,621 ഉം വ്യാഴാഴ്ചത്തെ പ്രതിദിന മരണമായ 1,596 ഉം ബുധനാഴ്ചത്തെ പ്രതിദിന മരണമായ 1,769 ഉം ആയി താരതമ്യപ്പെടുത്തുമ്പോള്‍ ഇക്കാര്യത്തില്‍ ഇന്നലെ നല്ല കുറവാണ് സംഭവിച്ചിരിക്കുന്നത്.
ഇന്നലെ സ്ഥിരീകരിച്ചിരിക്കുന്ന പുതിയ രോഗികളുടെ എണ്ണം 18,829 ആണ്. തൊട്ട് തലേ ദിവസം അതായത് ഞായറാഴ്ച സ്ഥിരീകരിച്ച പുതിയ രോഗികളുടെ എണ്ണമായ 22,124 ഉം ശനിയാഴ്ച സ്ഥീരീകരിച്ച 23,429 ഉം വെള്ളിയാഴ്ച സ്ഥിരീകരിച്ച പുതിയ രോഗികളുടെ എണ്ണമായ 28026 ഉം വ്യാഴാഴ്ച ത്തെ 24,557 ഉം ആയി താരതമ്യപ്പെടുത്തുമ്പോള്‍ ഇക്കാര്യത്തിലും ഇന്നലെ താഴ്ചയാണുള്ളത്. രാജ്യത്തെ മൊത്തം കൊറോണ മരണങ്ങള്‍ ഇതോടെ 91,981 യാണ് പെരുകിയിരിക്കുന്നത്. മൊത്തം രോഗികളുടെ എണ്ണം 1,550,294 ആയാണ് വര്‍ധിച്ചിരിക്കുന്നത്. രോഗത്തില്‍ നിന്നും മുക്തി നേടിയ യുഎസുകാരുടെ എണ്ണം 356,383 ആയാണുയര്‍ന്നത്.എന്നാല്‍ ലോകത്തില്‍ കൊറോണ ബാധിച്ച് ഏറ്റവും കൂടുതല്‍ പേര്‍ മരിച്ചിരിക്കുന്നതും ഏറ്റവും കൂടുതല്‍ രോഗികളുള്ളതുമായ രാജ്യമെന്ന ദുരവസ്ഥയില്‍ നിന്നും ഇനിയും യുഎസിന് മുക്തിയുണ്ടായിട്ടില്ല.
ഏറ്റവും പുതിയ റിപ്പോര്‍ട്ടുകള്‍ അനുസരിച്ച് 28,480 മരണങ്ങളും 361,266 രോഗികളുമായി ന്യൂയോര്‍ക്കിലാണ് ഏറെ വഷളായ അവസ്ഥയുള്ളത്.ന്യൂജഴ്സിയില്‍ 10,448 മരണങ്ങളുണ്ടായപ്പോള്‍ ഇവിടെ മൊത്തം 150,087 പേര്‍ക്കാണ് രോഗബാധയുണ്ടായിരിക്കുന്നത്.മസാച്ചുസെറ്റ്സില്‍ കോവിഡ് ബാധിച്ച് 87,052 പേര്‍ രോഗികളായപ്പോള്‍ 5,862 പേരാണ് മരിച്ചത്.ഇല്ലിനോയ്സില്‍ കൊറോണ മരണങ്ങള്‍ 4,234 ഉം രോഗികളുടെ എണ്ണം 96,485 ആണ്.പെന്‍സില്‍ വാനിയയില്‍ രോഗികളുടെ എണ്ണം 66,674 ഉം മരണം 4,668 ഉം ആണ്.മിച്ചിഗനില്‍ 4,915 പേര്‍ മരിക്കുകയും 51,915 പേര്‍ രോഗബാധിതരാവുകയും ചെയ്തിരിക്കുന്നു. ഇവയ്ക്ക് പുറമെ രാജ്യത്തെ എല്ലാ സ്റ്റേറ്റുകളിലും കൊറോണ മരണങ്ങളും പുതിയ കേസുകളും അനുദിനം പുറത്ത് വരുന്നുണ്ട്.
Facebook
Twitter
