തങ്ങള് മനുഷ്യമാംസം ഭക്ഷിച്ചിട്ടില്ലെന്ന് ഇലന്തൂര് നരബലിക്കേസ് പ്രതികളായ ഭഗവല് സിംഗും ലൈലയും. കോടതിയിലേക്ക് കൊണ്ടുപോകുംവഴിയാണ് പ്രതികള് ഇക്കാര്യം പറഞ്ഞത്. നേരത്തെ നരബലിക്ക് ശേഷം ഇരകളുടെ മാംസം പാകം ചെയ്ത് ഭക്ഷിച്ചെന്ന് ലൈല പൊലീസിന് മൊഴി നല്കിയെന്ന് റിപ്പോര്ട്ടുകള് പുറത്തുവന്നിരുന്നു.
കേരള മനസാക്ഷി ഇതിന്റെ ഞെട്ടലില് ഇരിക്കവേയാണ് മനുഷ്യമാംസം ഭക്ഷിച്ചിട്ടില്ലെന്ന് ദമ്പതികള് പറഞ്ഞത്. ഇലന്തൂര് നരബലിക്കേസില് വിശദമായ അന്വേഷണം വേണമെന്നും ഷാഫി കൊടുംക്രിമിനലെന്നും കസ്റ്റഡി അപേക്ഷയില് പൊലീസ് പറഞ്ഞു.
ആറാംക്ലാസ് വിദ്യാഭ്യാസം മാത്രമുള്ളയാളുടെ സോഷ്യല് മീഡിയ ഇടപെടലുകള് അന്വേഷിക്കണം. കൂടുതല് ഇരകളുണ്ടോയെന്ന് അന്വേഷിക്കണമെന്നും 12 ദിവസം കസ്റ്റഡിയില് വേണമെന്നും പൊലീസ് ആവശ്യപ്പെട്ടു.