2008 ല്‍ റിലീസ് ചെയ്ത ഫിറാഖ് എന്ന സിനിമയില്‍ കൂടിയാണ് നന്ദിത സംവിധാന രംഗത്തേക്ക് കടന്നു വരുന്നത്. ഇപ്പോഴിതാ ഇരുണ്ട നിറമായതിനാല്‍ തനിക്ക് പലയിടത്തുനിന്നും നേരിടേണ്ടി വന്ന വിചിത്ര അനുഭവങ്ങളെക്കുറിച്ച് പങ്കുവെച്ചിരിക്കുകയാണ് നടി.
കോസ്‌മെറ്റിക് ഷോപ്പുകളില്‍ പോയാല്‍ തനിക്ക് അവര്‍ ആദ്യം തരുന്നത് ആന്റി ടാന്‍ ക്രീമുകളാണെന്നും ഇത് ഉപയോഗിച്ചാല്‍ കരുവാളിപ്പ് മാറുമെന്നാണ് അവര്‍ പറയാറുള്ളതെന്നും നന്ദിത പറഞ്ഞു. ഞാന്‍ ഈ നിറത്തില്‍ തന്നെയാണ് ജനിച്ചത്. ഇതില്‍ തന്നെ മരിക്കുകയും ചെയ്യുമെന്നാണ് അവരോട് പറയുന്നത് നടി വ്യക്തമാക്കി.
നിറം സംബന്ധിച്ചുള്ള ധാരാളം ചര്‍ച്ചകളില്‍ ഞാന്‍ പങ്കെടുത്തിട്ടുണ്ട്. മൂന്ന് നാല് തവണ കോളേജുകളില്‍ വെച്ച് ഇത് നടന്നിട്ടുണ്ട്. നിങ്ങള്‍ക്ക് ഇതുപോലെ കറുത്ത നിറമായിട്ടും എങ്ങനെ ഇത്ര അത്മവിശ്വാസത്തോടെ കഴിയാന്‍ പറ്റുന്നുവെന്ന് അന്നെന്നോട് ഒരു പെണ്‍കുട്ടി ചോദിച്ചു. ഞാന്‍ ആശ്ചര്യപ്പെട്ടുപോയി കാരണം അങ്ങനെയൊന്നും ഞാന്‍ ചിന്തിച്ചിരുന്നില്ല. എന്റെ അച്ഛനും അമ്മയും അത്തരമൊരു ചിന്ത തലയിലേക്ക് വെച്ചിരുന്നില്ലെന്നും നടി അഭിപ്രായപ്പെട്ടു.
ഇരുണ്ട നിറമായതിനാല്‍ തനിക്ക് നേരിടേണ്ടി വന്ന അവഗണനകളെക്കുറിച്ച് നന്ദിത നേരത്തെയും പൊതുവേദിയില്‍ തുറന്നുസംസാരിച്ചിട്ടുണ്ട്. സ്വിഗാറ്റോയാണ് നന്ദിതയുടെ പുതിയ ചിത്രം.
Facebook
Twitter
