9-വിജയ്‌വെങ്കട് പ്രഭു ചിത്രം 'ദ ഗോട്ടി'നോട് നോ പറഞ്ഞ് തെലുങ്ക് താരം ശ്രീലീല. തെലുങ്കിലെ സൂപ്പര്‍ നായികയാണ് ശ്രീലീല. നിലവില്‍ തെലുങ്കിലെ സൂപ്പര്‍ താരങ്ങള്‍ക്കൊപ്പമെല്ലാം നടി വേഷമിട്ടിട്ടുണ്ട്. എന്നാല്‍ വിജയ്‌ക്കൊപ്പമുള്ള തമിഴ് അരങ്ങേറ്റം വേണ്ടെന്ന് വച്ചിരിക്കുകയാണ് ശ്രീലീല.
ചിത്രത്തില്‍ ഒരു മുഴുനീള വേഷത്തിലേക്ക് ആയിരുന്നില്ല നടിയെ ക്ഷണിച്ചത്. ഒരു ഗാനരംഗത്തിലേക്ക് മാത്രം അഭിനയിക്കാനായിരുന്നു ശ്രീലീലയ്ക്ക് ഓഫര്‍ വന്നത്. എന്നാല്‍ തമിഴ് അരങ്ങേറ്റം ഒരു ഗാനരംഗത്തിലൂടെ വേണ്ടെന്നും മറിച്ച് ഒരു കഥാപാത്രം ആയിരിക്കണമെന്നുമായിരുന്നു ശ്രീലീലയുടെ നിലപാട്.
വിജയ് ചിത്രത്തോട് നോ പറഞ്ഞെങ്കിലും അജിത്ത് ചിത്രത്തിലൂടെ തമിഴിലേക്ക് ശ്രീലീല അരങ്ങേറ്റം കുറിക്കും. അജിത്തിനെ നായകനാക്കി ആദിക് രവിചന്ദ്രന്‍ സംവിധാനം ചെയ്യുന്ന ഗുഡ് ബാഡ് അഗ്ലി എന്ന ചിത്രത്തിലൂടെയാണ് നടി തമിഴിലേക്ക് എത്തുന്നത്. മെയ് അവസാനം ഈ സിനിമയുടെ ചിത്രീകരണം ആരംഭിക്കും.
അതേസമയം, വിജയ് ഡബിള്‍ റോളില്‍ എത്തുന്ന സിനിമ സെപ്തംബര്‍ അഞ്ചിനാണ് റിലീസ് ചെയ്യുന്നത്. മീനാക്ഷി ചൗധരി, സ്‌നേഹ, ലൈല, ജയറാം, പാര്‍വതി നായര്‍, പ്രേംജി, വൈഭവ് തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
Facebook
Twitter
