രാജ്യത്തെ പതിനൊന്ന് സംസ്ഥാനങ്ങളിലെ പോപ്പുലര് ഫ്രണ്ട് ഓഫീസുകളില് നടന്ന എന്ഐഎ റെയ്ഡുകളും അറസ്റ്റുമായി ബന്ധപ്പെട്ട് പ്രതികരണം അറിയിച്ച് രാഹുല് ഗാന്ധി. എല്ലാ തരം വര്ഗീയതയും അക്രമവും നേരിടേണ്ടതാണെന്ന് രാഹുല് പറഞ്ഞത്. ഭാരത് ജോടോ യാത്ര തൃശൂര് ജില്ലയില് പ്രവേശിച്ചതിന്റെ ഭാഗമായി നടന്ന വാര്ത്ത സമ്മേളനത്തിലാണ് രാഹുല് പ്രതികരണത്തെ അറിയിച്ചത്.
കേരളം ഉള്പ്പടെ രാജ്യത്തെ പത്ത് സംസ്ഥാനങ്ങളിലെ പോപ്പുലര് ഫ്രണ്ട് ഓഫീസുകളിലും നേതാക്കളുടെ വീട്ടിലുമായി പുലര്ച്ചെ മുതല് എന്ഐഎ നടത്തിയ റെയ്ഡ്. കേരളത്തിനുപുറമെ തമിഴ്നാട്, ആന്ധ്ര, തെലങ്കാന, യുപി തുടങ്ങിയ ഇടങ്ങളിലുമാണ് റെയ്ഡ്. ഇഡിയുമായി ചേര്ന്നാണ് പരിശോധന നടത്തിയത്.
റെയ്ഡില് നേതാക്കളടക്കം നൂറ് പേരെ എന്ഐഎ കസ്റ്റഡിയിലെടുത്തു. പോപ്പുലര്ഫ്രണ്ട് ദേശീയ ചെയര്മാന്, ദേശീയ സെക്രട്ടറി, സംസ്ഥാനപ്രസിഡന്റ് എന്നിവരെ മലപ്പുറത്തുനിന്ന് കസ്റ്റഡിയിലെടുത്തു. സംസ്ഥാനകമ്മിറ്റി ഓഫീസിലെ മുന് അക്കൗണ്ടന്റിനേയും മലപ്പുറത്തുനിന്ന് കസ്റ്റഡിയിലെടുത്തു.
പോപ്പുലര്ഫ്രണ്ട് സംസ്ഥാനസമിതി അംഗത്തേയും എസ്ഡിപിഐ സംസ്ഥാനസെക്രട്ടറിയേയും തൃശൂരില് നിന്നും എസ്ഡിപിഐ ജില്ലാനേതാക്കളടക്കം മൂന്നുപേരെ കോട്ടയം ജില്ലയില്നിന്നും കസ്റ്റഡിയിലെടുത്തു