നടിയെ ആക്രമിച്ച ദൃശ്യങ്ങള് ചോര്ന്നത് 2019 ല് ; വിചാരണ കോടതിയുടെ സ്ഥിരീകരണം ; അന്വേഷണ സംഘം സീല് ചെയ്ത കവറില് കോടതിയില് സമര്പ്പിച്ച ദൃശ്യങ്ങള് എങ്ങനെയാണ് അനുമതിയില്ലാതെ മറ്റൊരാള് കണ്ടതെന്ന സംശയമുയരുന്നു
കൊച്ചിയില് നടിയെ ആക്രമിച്ച കേസില് നടി പീഡിപ്പിക്കപ്പെട്ട ദൃശ്യം കോടതിയില് വെച്ച് ചോര്ന്നതുമായി ബന്ധപ്പെട്ട് കൂടുതല് വിവരങ്ങള് പുറത്ത്. 2019 ഡിസംബര് 20നാണ് ദൃശ്യങ്ങള് ചോര്ന്നതായി വിചാരണ കോടതിയില് സ്ഥിരീകരിച്ചത്. എറണാകുളം ജില്ലാ സെഷന് കോടതിയില് വെച്ചാണ് ഇവ ചോര്ന്നത്. സംസ്ഥാന ഫോറന്സിക് വിഭാഗമാണ് ഇക്കാര്യം സ്ഥിരീകരിച്ചത്. ദൃശ്യങ്ങളുടെ ഹാഷ് വാല്യു മാറിയതിന് പിന്നാലെ നടത്തിയ പരിശോധനയിലാണ് ഇക്കാര്യം കണ്ടെത്തിയത്. ഇത് സംബന്ധിച്ച് റിപ്പോര്ട്ടുകള് അക്കാലയളവില് കൈമാറിയിരുന്നെന്നുമാണ് റിപ്പോര്ട്ട്.
അന്വേഷണ സംഘം സീല് ചെയ്ത കവറില് കോടതിയില് സമര്പ്പിച്ച ദൃശ്യങ്ങള് എങ്ങനെയാണ് അനുമതിയില്ലാതെ മറ്റൊരാള് കണ്ടതെന്ന സംശയമാണ് ഈ ഘട്ടത്തില് ഉയരുന്നത്.
ഇതിനിടെ നടിയെ ആക്രമിച്ച കേസിലെ അന്വേഷണ ഉദ്യോസ്ഥരെ വധിക്കാന് ഗൂഢാലോചന നടത്തിയെന്ന കേസില് ഒന്നാം പ്രതി നടന് ദിലീപ് അടക്കമുള്ള 6 പ്രതികളുടെ മുന്കൂര് ജാമ്യാപേക്ഷയില് ഇന്നും ഹൈക്കോടതി വാദം കേള്ക്കും. പ്രതിഭാഗത്തിന്റെ വാദം ഏറെക്കുറെ പൂര്ത്തിയായ ജാമ്യാപേക്ഷയില് പ്രോസിക്യൂഷന്റെ വാദമാണ് ഇന്ന് നടക്കുക.