കാമുകിയെ തല്ലിയ യുവാവിനെ തടഞ്ഞു നിര്‍ത്തി തെലുങ്ക് നടന്‍ നാഗ ശൗര്യ. ഹൈദരാബാദിലെ തിരക്കുള്ള റോഡില്‍ വച്ചാണ് യുവതിയെ കാമുകന്‍ പരസ്യമായി തല്ലിയത്. യുവാവ് യുവതിയെ തല്ലിയപ്പോള്‍ നടന്‍ രക്ഷകനായി എത്തുകയായിരുന്നു. തുടര്‍ന്ന് യുവാവിനോട് മാപ്പ് പറയാന്‍ ആവശ്യപ്പെടുകയായിരുന്നു.
യുവാവിന്റെ കൈയില്‍ പിടിച്ച് മാപ്പ് പറയാന്‍ ആവശ്യപ്പെടുന്ന നാഗ ശൗര്യയുടെ വീഡിയോയാണ് സോഷ്യല്‍ മീഡിയയില്‍ ഇപ്പോള്‍ വൈറല്‍ ആയിക്കൊണ്ടിരിക്കുന്നത്. യുവതിയോട് മാപ്പ് പറയാന്‍ ആവശ്യപ്പെട്ടപ്പോള്‍ തന്റെ കാമുകിയാണ് ഇത് എന്നാണ് യുവാവ് പറയുന്നത്.
ഇതോടെ എന്തിനാണ് യുവതിയെ വഴിയില്‍ വച്ച് അടിച്ചതെന്ന് ശൗര്യ യുവാവിനോട് ചോദിക്കുകയായിരുന്നു. 'അവള്‍ നിങ്ങളുടെ കാമുകിയാകാം, അതിനര്‍ത്ഥം നിങ്ങള്‍ക്ക് ഇതുപോലെ മോശമായി പെരുമാറാന്‍ കഴിയുമെന്നല്ല. അവളോട് മാപ്പ് പറയൂ' എന്നാണ് നാഗ ശൗര്യ പറയുന്നത്.
ഇത് കണ്ടു നിന്നവരും യുവാവ് മാപ്പ് പറയണമെന്ന് ആവശ്യപ്പെടുന്നുണ്ടായിരുന്നു. ട്വിറ്ററില്‍ വൈറലായ വീഡിയോയുടെ കമന്റ് ബോക്‌സില്‍ നിരവധി പേരാണ് നാഗ ശൗര്യയുടെ ഇടപെടലിനെ പ്രശംസിക്കുന്നത്. എന്നാല്‍ ഇത് പുതിയ സിനിമയുടെ പ്രമോഷന്റെ ഭാഗമാണെന്നും ചിലര്‍ പരിഹസിക്കുന്നുണ്ട്.
Facebook
Twitter
