നിങ്ങള്‍ക്ക് കാവല്‍ നില്‍ക്കാനായി ഞങ്ങള്‍ക്ക് കിട്ടുന്നത് ഇതൊക്കെയാണ് ; ബിഎസ്എഫ് ജവാന്റേ ഈ തുറന്നുപറച്ചില്‍ വൈറലാകുന്നു

നിങ്ങള്‍ക്ക് കാവല്‍ നില്‍ക്കാനായി ഞങ്ങള്‍ക്ക് കിട്ടുന്നത് ഇതൊക്കെയാണ് ; ബിഎസ്എഫ് ജവാന്റേ ഈ തുറന്നുപറച്ചില്‍ വൈറലാകുന്നു
അതിര്‍ത്തിയില്‍ ജോലിയെടുക്കുന്ന സൈനികര്‍ നേരിടുന്ന ചൂഷണം വിശദീകരിച്ച് ബി.എസ്.എഫ് ജവാന്റെ ഫേസ്ബുക്ക് വീഡിയോ. കശ്മീരിലെ സീമാ സുരക്ഷാ ബാല്‍ ബറ്റാലിയനിലെ ജവാന്‍ തേജ് ബഹദൂര്‍ യാദവ് ആണ് സൈനികരുടെ ദുരിതം പറഞ്ഞു കൊണ്ട് വീഡിയോ പുറത്തു വിട്ടിരിക്കുന്നത്.

സൈനീകന്‍ പറയുന്നതിങ്ങനെ

ഈ പരിപ്പു കറിയില്‍ വെറും മഞ്ഞളും ഉപ്പും മാത്രമേയുള്ളൂ, ഒരു രുചിയുമില്ല. 10 ദിവസമായി ഈ ഭക്ഷണം തന്നെയാണ് കിട്ടുന്നത്. ഇത്തരമൊരു ഭക്ഷണം കഴിച്ചുകൊണ്ട് ഒരു ബി.എസ്.എഫ് ജവാന് 10 മണിക്കൂര്‍ നേരം ജോലി ചെയ്യാന്‍ കഴിയുമോ ? രാവിലെ 6മണി മുതല്‍ വൈകീട്ട് 5 മണിവെരയാണ് ജോലി. മഞ്ഞാണെങ്കിലും മഴയാണെങ്കിലും 11 മണിക്കൂറോളം നിന്നാണ് ജോലി ചെയ്യുന്നത്. ഭക്ഷണം ലഭിക്കാതെ കിടന്നുറങ്ങേണ്ട അവസ്ഥ ഉണ്ടായിട്ടുണ്ട്. രാവിലെ ചായക്കൊപ്പം ലഭിക്കുന്നത് ഒരു പരാന്തയാണ്. ഉദ്യോഗസ്ഥര്‍ ഞങ്ങള്‍ക്കെതിരെ കാണിക്കുന്ന അതിക്രമങ്ങള്‍ നിങ്ങളെ കാണിക്കുന്നതിന് വേണ്ടിയാണിത്. സര്‍ക്കാരിനെ ഞങ്ങള്‍ കുറ്റപ്പെടുത്തുന്നില്ല. കാരണം സര്‍ക്കാര്‍ ഞങ്ങള്‍ക്ക് എല്ലാം നല്‍കുന്നുണ്ട്. പക്ഷെ ഉന്നത ഉദ്യോഗസ്ഥര്‍ സാധനങ്ങളെല്ലാം മറിച്ചു വിറ്റ് കാശാക്കുകയാണ്. ഇതെല്ലാം എങ്ങോട്ടാണ് പോകുന്നതെന്നും ആരാണ് വിറ്റു കാശാക്കുന്നതെന്നും പ്രധാനമന്ത്രി മോദി അന്വേഷിക്കണമെന്നാണ് എന്റെ അപേക്ഷ. 2 മിനുട്ട് നേരമുള്ളതാണ് വീഡിയോ. സൈനികരുടെ ദുരിതങ്ങള്‍ സര്‍ക്കാരിന്റെ ശ്രദ്ധയില്‍പ്പെടുത്താന്‍ വീഡിയോ പരമാവധി ഷെയര്‍ ചെയ്യണമെന്നും സൈനികന്‍ പറയുന്നു. അതേ സമയം വീഡിയോ പുറത്തിറക്കിയതിന്റെ പേരില്‍ തനിക്കെന്തും സംഭവിക്കാമെന്ന് സൈനികന്‍ പറയുന്നു. കാരണം ഉന്നത ഉദ്യോഗസ്ഥര്‍ക്ക് അധികാരമുണ്ടെന്നും വീഡിയോയിലൂടെ സൈനികന്‍ പറയുന്നു.

Other News in this category



4malayalees Recommends