കൊല്ലം പ്രവാസി അസ്സോസിയേഷന്‍ ബഹ്‌റൈന്‍ ഇന്ത്യയുടെ 73ആം റിപ്പബ്ലിക് ദിനാഘോഷം സംഘടിപ്പിച്ചു. കോവിഡ് പ്രോട്ടോകോള്‍ അനുസരിച്ച് നിയന്ത്രിത അംഗങ്ങളെ ഉള്‍പ്പെടുത്തി ജുഫയര്‍ അല്‍ സഫീര്‍ ഹോട്ടലില്‍ വച്ച് സംഘടിപ്പിച്ച ആഘോഷ പരിപാടികള്‍ ബി.കെ.എസ്.എഫ് രക്ഷാധികാരിയും , സാമൂഹ്യ പ്രവര്‍ത്തകനുമായ ബഷീര്‍ അമ്പലായി ഉത്ഘാടനം ചെയ്തു. ഇന്ത്യന്‍ ക്ലബ് വൈസ് പ്രെസിടെന്റും സാമൂഹ്യ പ്രവര്‍ത്തകനുമായ സാനി പോള്‍ മുഖ്യാതിഥി ആയി പങ്കെടുത്തു റിപ്പബ്ലിക് ദിന സന്ദേശം നല്‍കി. കെ.പി.എ പ്രസിഡന്റ് നിസാര്‍ കൊല്ലം അദ്ധ്യക്ഷത വഹിച്ച ചടങ്ങിന് ജനറല്‍ സെക്രെട്ടറി ജഗത് കൃഷ്ണകുമാര്‍ സ്വാഗതവും, ട്രെഷറര്‍ രാജ് കൃഷ്ണന്‍ നന്ദിയും അറിയിച്ചു. വൈസ് പ്രസിഡന്റ് വിനു ക്രിസ്റ്റി, സെക്രട്ടറി കിഷോര്‍ കുമാര്‍, സൃഷ്ടി കണ്‍വീനര്‍ സന്തോഷ് കാവനാട് എന്നിവര്‍ ആശംസകള്‍ അറിയിച്ചു. സൃഷ്ടി കണ്‍വീനര്‍ അനൂബ് തങ്കച്ചന്‍ നിയന്ത്രിച്ച ആഘോഷ പരിപാടികളില്‍ കെ.പി.എ കലാകാരന്മാര്‍ അവതരിപ്പിച്ച ദേശ സ്‌നേഹം തുളുമ്പുന്ന ഗാനങ്ങളും, കുട്ടികളുടെ പ്രസംഗങ്ങളും ശ്രേദ്ധേയമായി.