യുകെയില്‍ ഭക്ഷ്യവിലകളില്‍ രണ്ട് വര്‍ഷത്തിനിടെ ആദ്യമായി ഇടിവുണ്ടായി; ഡയറി ഉല്‍പന്നങ്ങള്‍, മാര്‍ഗറിനെ, മത്സ്യം, പച്ചക്കറികള്‍ തുടങ്ങിവയുടെ വില കുറഞ്ഞു; വിലയിടിവിന് പ്രധാന കാരണം സൂപ്പര്‍മാര്‍ക്കറ്റുകള്‍ തമ്മിലുള്ള കിടമത്സരമേറിയത്

യുകെയില്‍ ഭക്ഷ്യവിലകളില്‍ രണ്ട് വര്‍ഷത്തിനിടെ ആദ്യമായി ഇടിവുണ്ടായെന്ന ആശാവഹമായ റിപ്പോര്‍ട്ട് പുറത്ത് വന്നു. സൂപ്പര്‍മാര്‍ക്കറ്റുകള്‍ തമ്മിലുള്ള മത്സരം കൊഴുത്തതിനെ തുടര്‍ന്നാണ് വിവിധ ഭക്ഷ്യവസ്തുക്കള്‍ വിലക്കുറവില്‍ ലഭിക്കുന്നതിന് വഴിയൊരുങ്ങിയിരിക്കുന്നത്. രണ്ട് വര്‍ഷത്തിനിടെ ഭക്ഷ്യവിലകളില്‍ ഇതാദ്യമായിട്ടാണ് ഇത്തരത്തില്‍ ഇടിവുണ്ടായിരിക്കുന്നതെന്ന് സ്ഥിരീകരിച്ച് ഇന്റസ്ട്രി ബോഡിയായ ദി ബ്രിട്ടീഷ് റീട്ടെയില്‍ കണ്‍സോര്‍ഷ്യം (ബിആര്‍സി) രംഗത്തെത്തിയിട്ടുണ്ട്.             ഇത് പ്രകാരം വിലകളില്‍ സെപ്റ്റംബറില്‍ അതിന് മുമ്പത്തെ മാസത്തേക്കാള്‍ 0.1 ശതമാനം ഇടിവാണ് രേഖപ്പെടുത്തിയിരിക്കുന്നത്. പുതിയ കണക്കുകള്‍ പ്രകാരം ഡയറി ഉല്‍പന്നങ്ങള്‍, മാര്‍ഗറിനെ, മത്സ്യം, പച്ചക്കറികള്‍ തുടങ്ങിവയുടെ വിലകളില്‍ ഇടിവുണ്ടായിട്ടുണ്ട്. ഗ്രോസറി സാധനങ്ങളുടെ വിലകളില്‍ അയവുണ്ടാകാന്‍ തുടങ്ങിയിട്ടുണ്ടെങ്കിലും ഇപ്പോഴും അവ ഉയര്‍ന്ന് തന്നെയാണ് നിലകൊള്ളുന്നത്.സെപ്റ്റംബര്‍ വരെയുള്ള ഒരു വര്‍ഷത്തിനിടെ ഭക്ഷ്യവിലകളില്‍ 9.9 ശതമാനം വര്‍ധനവാണുണ്ടായിരിക്കുന്നതെന്നാണ് ബിആര്‍സി പറയുന്നത്. ഓഗസ്റ്റിലെ 11.5 ശതമാനം വര്‍ധനാ നിരക്കില്‍ നിന്നുള്ള ഇടിവാണുള്ളത്. ഭക്ഷ്യേതര വസ്തുക്കളടക്കമുള്ള ഉല്‍പന്നങ്ങളുടെ മൊത്തം വിലകളില്‍ കഴിഞ്ഞ മാസം 6.2 ശതമാനം ഇടിവാണ് രേഖപ്പെടുത്തിയിരിക്കുന്നത്. ഇവയുടെ വിലകളില്‍ ഈ വര്‍ഷത്തിലെ ഏറ്റവും കുറഞ്ഞ നിരക്കാണ് രേഖപ്പെടുത്തിയിരിക്കുന്നത്. സ്‌കൂള്‍ യൂണിഫോമുകള്‍ മറ്റ് ബാക്ക് ടു സ്‌കൂള്‍ ഐറ്റങ്ങള്‍ തുടങ്ങിയവക്ക് വിലക്കുറവുണ്ടായിരിക്കുന്നത് കുടുംബങ്ങള്‍ക്ക് ഏറെ സഹായകരമായിട്ടുണ്ടെന്നാണ് ബിആര്‍സി പറയുന്നത്. പണപ്പെരുപ്പ നിരക്ക് കുറയുമ്പോള്‍ വിലകള്‍ കുറയുന്ന അവസ്ഥയുണ്ടെങ്കിലും അവ അധികം വൈകാതെ കുതിച്ചുയരുന്ന സ്ഥിതിയാണ് കഴിഞ്ഞ കുറച്ച് മാസങ്ങളായി യുകെയില്‍ കണ്ട് വരുന്നത്.               ഈ വര്‍ഷത്തിലെ ശേഷിക്കുന്ന മാസങ്ങളിലും ഭക്ഷ്യവസ്തുക്കളുടെ വിലയിടിവ് തുടരുമെന്നാണ് ബിആര്‍സി  ചീഫ് എക്‌സിക്യൂട്ടീവായ ഹെലെന്‍ ഡിക്ക്‌സന്‍ പറയുന്നത്. എന്നാല്‍ ഉയര്‍ന്ന പലിശനിരക്കുകള്‍, ഓയില്‍ വിലകള്‍