മോഹന്‍ലാലിനെതിരെ ആനക്കൊമ്പ് കേസ് ഉയര്‍ന്നുവന്നിട്ട് വര്‍ഷങ്ങളായി. പാരമ്പര്യമായി തനിക്ക് ലഭിച്ച സ്വത്താണിതെന്നാണ് മോഹന്‍ലാലിന്റെ വാദം. 2012ല്‍ അദ്ദേഹത്തിന്റെ തേവരയിലുള്ള വീട്ടില്‍ നിന്നാണ് ആനക്കൊമ്പുകള്‍ കണ്ടെത്തിയത്. ആനക്കൊമ്പ് കൈയില്‍ സൂക്ഷിക്കാന്‍ തനിക്ക് ലൈസന്‍സ് ഉണ്ടെന്നാണ് മോഹന്‍ലാല്‍ ഹൈക്കോടതിയില്‍ വ്യക്തമാക്കിയത്. ഇപ്പോഴിതാ ആനക്കൊമ്പ് അദ്ദേഹത്തിന് കിട്ടിയതെങ്ങനെ എന്നു വിശദീകരിക്കുന്ന ഒരു കുറിപ്പുമായി അരുണ്‍ജിത്ത് എ.പി എന്ന യുവാവ് രംഗത്തെത്തിയിരിക്കുകയാണ്. നഴ്സായ ഇദ്ദേഹം ഫെയ്സ്ബുക്കിലെ ഒരു സിനിമാഗ്രൂപ്പില്‍ പങ്കു വെച്ച കുറിപ്പ് ഇപ്രകാരമാണ്. ഫേസ്ബുക്ക് കുറിപ്പ്:  മോഹന്‍ലാലിന്റെ കൈയിലെ ആനക്കൊമ്പു കഥ- നടന്ന കഥ മോഹന്‍ലാല്‍ എന്ന നടന്‍, അദ്ദേഹത്തിന്റെ സാമൂഹിക ഇടപെടലില്‍ പക്ഷപാതം കാണിക്കുന്നു എന്നതില്‍ ഒരു സംശയവും ഇല്ല. അതുകൊണ്ടു എന്തിലും പിന്തുണയുണ്ട് എന്ന് ധരിക്കരുത്. പക്ഷേ കൃഷ്ണകുമാര്‍ എന്ന തൃപ്പൂണിത്തുറക്കാരന്‍ വീട്ടില്‍ സൂക്ഷിക്കാന്‍ തന്നതാണ് ആനക്കൊമ്പ് എന്ന വാദം സത്യമാണ് എന്ന് ഒരു തോന്നലുണ്ട് അങ്ങനെ ഒന്നുണ്ടാകാം എന്ന് തീര്‍ച്ചയായും കരുതുന്നു. ചൊവ്വാഴ്ചയോ മറ്റോ ആണ് തിയേറ്ററില്‍ ആകെ ബഹളം, അമൃത ആശുപത്രിയിലെ പ്ലാസ്റ്റിക് സര്‍ജറി വിഭാഗം റൂമുകളില്‍ എല്ലാം വലിയ തിരക്ക്. ഓപ്പറേഷന്‍ തീരുമ്പോഴേക്കും ഉറപ്പായും പത്തു കഴിയും. സാധാരണ വൈകുന്നേരം ഓവറോള്‍ കാര്യങ്ങള്‍ക്കായി ഒരാളെ പുറത്തു ഡ്യൂട്ടി നിര്‍ത്താറുണ്ട്. അന്ന് ഞാനാണ് ആ ഡ്യൂട്ടി, പുറത്തു ഒരു രോഗി വല്ലാതെ ബഹളം വെയ്ക്കുന്നുണ്ട് എന്നു കേട്ട് അങ്ങോട്ട് ചെന്നു, അന്വേഷിച്ചു. 'ഉച്ചയ്ക്കു ശേഷം ചെയ്യും എന്ന് പറഞ്ഞു ഇപ്പോള്‍ രാത്രിയായി , ഇവിടെ ഇരുപ്പു തുടങ്ങിയിട്ട് മണിക്കൂറുകളായി,  ഞാന്‍ പ്രേം നായരുടെ ( അമൃത ആശുപത്രി ഡയറക്ടര്‍ ) ബന്ധുവാണ്'. വെളുത്തു, താടിയുള്ള, ഒരു