ദമ്പതികളെ തടഞ്ഞു നിര്‍ത്തി മോഷണത്തിന് ശ്രമിച്ചവര്‍ ഒടുവില്‍ നൂറു രൂപ നല്‍കി തിരിച്ചുപോയി. കിഴക്കന്‍ ഡല്‍ഹിയിലെ ഷഹ്ദാരയിലാണ് സംഭവം.
ദമ്പതികള്‍ റോഡിലൂടെ നടക്കുന്നതിനിടെയാണ് ബൈക്കിലെത്തിയ രണ്ടംഗ സംഘം ഇവരെ തടഞ്ഞത്.
അല്‍പ നേരത്തെ സംസാരത്തിന് ശേഷം ദമ്പതികളുടെ കയ്യില്‍ ഒന്നുമില്ലെന്ന് ബോധ്യപ്പെട്ടതോടെ നൂറു രൂപ ദമ്പതികള്‍ക്ക് നല്‍കി കവര്‍ച്ചാ സംഘം തിരിച്ചുപോയി.
ഹെല്‍മെറ്റിട്ട്, മുഖം മറച്ച നിലയിലായിരുന്നു ഇരുവരും. സംഭവത്തിന്റെ സിസിടിവി ദൃശ്യം പ്രചരിച്ചതോടെ പൊലീസ് അന്വേഷണത്തിനൊടുവില്‍ ഇരുവരും പിടിയിലായി, മുപ്പതോളം മൊബൈല്‍ ഫോണുകള്‍ മോഷ്ടാക്കളുടെ കയ്യില്‍ നിന്ന് പൊലീസ് പിടിച്ചെടുത്തു.
Facebook
Twitter
