വിവാഹദിനത്തില്‍ താലികെട്ടുന്നതിന് തൊട്ടുമുന്‍പ് വധു കാമുകനൊപ്പം ഒളിച്ചോടി. സംഭവം അറിഞ്ഞ അറിഞ്ഞ വരന്‍ വിഷം കഴിച്ചു. റായ്ബറേലി സ്വദേശിയായ അജയ് എന്ന യുവാവാണ് ജീവനൊടുക്കാന്‍ ശ്രമിച്ചത്. യുവാവിന്റെ നില ഗുരുതരമായി തുടരുന്നുവെന്നാണ് റിപ്പോര്‍ട്ട്.
ഗഡഗഞ്ച് പോലീസ് സ്റ്റേഷന്‍ പരിധിയിലെ അസാനന്ദ്പൂര്‍ ഗ്രാമത്തില്‍ താമസിക്കുന്ന രാംനരേഷിന്റെ മകളുമായാണ് അജയുടെ വിവാഹം നിശ്ചയിച്ചിരുന്നത്. കഴിഞ്ഞ ദിവസം അജയ് വിവാഹഘോഷയാത്രയുമായി വധുവിന്റെ വീട്ടിലെത്തി. വധുവിന്റെ കുടുംബാംഗങ്ങള്‍ ഇവര്‍ക്കായി സ്വീകരണവും ഒരുക്കിയിരുന്നു. പിന്നാലെ മറ്റ് വിവാഹ ചടങ്ങുകള്‍ ആരംഭിച്ചു. വരന്‍ വേദിയില്‍ എത്തി ഏറെ നേരം കാത്തിരുന്നിട്ടും വധു വേദിയില്‍ എത്തിയില്ല. തുടര്‍ന്ന് വിവരം തിരക്കിയപ്പോഴാണ് വധു കാമുകനൊപ്പം സ്ഥലം വിട്ടതായി ബന്ധുക്കള്‍ പറഞ്ഞത്. പിന്നാലെ ഇരു കൂട്ടരും തമ്മില്‍ വാക്കുതര്‍ക്കവും കൈയാങ്കളിയുമായി.
തര്‍ക്കം വര്‍ധിക്കുന്നത് കണ്ട് പെണ്‍കുട്ടിയുടെ പിതാവ് ഗഡഗഞ്ച് പൊലീസില്‍ വിവരമറിയിച്ചു. പൊലീസ് എത്തിയാണ് പ്രശ്‌നം ഒത്തുതീര്‍പ്പാക്കിയത്. തുടര്‍ന്ന് അജയും ബന്ധുക്കളും മടങ്ങിയെങ്കിലും പരിഹസിക്കപ്പെടുമോ എന്ന വിഷമം അജയ് വീട്ടിലെത്തി വിഷം കഴിക്കുകയായിരുന്നു.
ഉടന്‍ തന്നെ അടുത്തുള്ള ആശുപത്രിയിലേക്ക് കൊണ്ടുപോയെങ്കിലും നില വഷളായതിനെ തുടര്‍ന്ന് ലക്‌നൗവിലേയ്ക്ക് മാറ്റി. അതേസമയം, പെണ്‍കുട്ടിയുടെ പിതാവിന്റെ പരാതിയില്‍ വധുവിന്റെ കാമുകന്‍ മുന്നയ്‌ക്കെതിരെയും കേസെടുത്തു.
Facebook
Twitter
