ഇന്ത്യയുടെ അഭിമാന ദൗത്യം ചന്ദ്രയാന്‍ 3 ചന്ദ്രോപരിതലത്തില്‍ ലാന്‍ഡ് ചെയ്തതോടെ ലോകത്തിന്‍െര വിവിധ കോണുകളില്‍ നിന്നാണ് അഭിനന്ദന പ്രവാഹം എത്തുന്നത്. എന്നാല്‍ ഇത്തരത്തില്‍ ഒരു അഭിനന്ദന സന്ദേശമാണ് സമൂഹ മാധ്യമങ്ങളില്‍ വൈറലാക്കുന്നത്. ചന്ദ്രയാന്‍ മൂന്നിന്റെ സോഫ്റ്റ് ലാന്‍ഡിംഗിന്റെ വിജയത്തിനു മുന്നോടിയായി രാജസ്ഥാന്‍ മന്ത്രിയുടെ അഭിനന്ദന സന്ദേശമാണ് വൈറലായത്. ഇതോടെ എയറിലാണ് രാജസ്ഥാന്‍ കായികമന്ത്രി അശോക് ചന്ദ്‌ന.
'ചന്ദ്രയാനിലെ യാത്രക്കാരെ' അഭിനന്ദിച്ചുകൊണ്ടാണ് മന്ത്രിയുടെ പോസ്റ്റ്. എക്‌സിലാണ് മന്ത്രി ഈ വീഡിയോ പങ്കുവച്ചത്. പിന്നാലെ സോഷ്യല്‍ മീഡിയയില്‍ വലിയ ട്രൊളാണ് മന്ത്രിക്ക് നേരിടേണ്ടി വന്നത്. ശാസ്ത്രത്തില്‍ ഒരു ചുവടുകൂടി മുന്നോട്ട് വെച്ചിരിക്കുകയാണ് നമ്മള്‍. ഈ ഘട്ടത്തില്‍ ആ ചന്ദ്രയാനിലെ യാത്രക്കാരെയും, രാജ്യത്തെ പൗരന്മാരെയും അഭിനന്ദിക്കുകയാണെന്നുമാണ് വീഡിയോയില്‍ മന്ത്രി പറയുന്നുണ്ട്.
Facebook
Twitter
