റോഡിലെ ബ്ലോക്ക് ഒഴിവാക്കാനായി ഫുട് ഓവര്‍ ബ്രിഡ്ജിലൂടെ ഓട്ടോ ഓടിച്ചുകയറ്റി ഡ്രൈവര്‍. സാഹസിക റൈഡിങ്ങിന്റെ വീഡിയോ സോഷ്യല്‍മീഡിയയില്‍ വൈറലായതോടെ ഡ്രൈവറെ പൊലീസ് അറസ്റ്റ് ചെയ്തു. ന്യൂഡല്‍ഹിയിലെ ഹംദര്‍ദ് നഗറിലാണ് സംഭവം.
റോഡില്‍ കനത്ത ട്രാഫിക് ബ്ലോക്കായിരുന്നു. 25 കാരനായ മുന്ന എന്ന ഡ്രൈവര്‍ ബ്ലോക്ക് മറികടക്കാനായി ഓട്ടോ നേരെ കാല്‍നടക്ക് മാത്രം ഉപയോഗിക്കുന്ന മേല്‍പ്പാലത്തിലേക്ക് ഓടിച്ചുകയറ്റുകയായിരുന്നു. മറ്റൊരാള്‍ തള്ളി സഹയിക്കുന്നതും ഒപ്പം ഓടുന്നതും കാല്‍നടക്കാര്‍ വശത്തേക്ക് മാറി നില്‍ക്കുന്നതും ദൃശ്യങ്ങളില്‍ കാണാം.
നടപ്പാലത്തിന്റെ പടികളിലൂടെ മുന്ന ഓട്ടോ ഓടിച്ചുകയറ്റുന്ന ദൃശ്യങ്ങള്‍ സമൂഹമാധ്യമങ്ങളില്‍ വൈറലായി. ഇതു ശ്രദ്ധയില്‍പ്പെട്ട ഡല്‍ഹി പൊലീസ് അന്വേഷണം നടത്തി മുന്നയെ അറസ്റ്റ് ചെയ്യുകയായിരുന്നു.
Facebook
Twitter
