ഡല്‍ഹിയിലെ ആനന്ദ് വിഹാര്‍ റെയില്‍വേ സ്റ്റേഷനില്‍ പോര്‍ട്ടര്‍മാരെ സന്ദര്‍ശിച്ച രാഹുല്‍ ഗാന്ധി അവരു നല്‍കിയ യൂണിഫോമും ബാഡ്ജും ധരിച്ച് സ്യൂട്ട്‌കേസ് തലയില്‍ ചുമന്നതിനെ പരിഹസിച്ച് മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന്‍.
'ഞാന്‍ ആശ്ചര്യപ്പെട്ടു, ചക്രങ്ങളുള്ള സ്യൂട്ട്‌കേസ് വലിച്ചുകൊണ്ടുപോകുന്നതിനു പകരം തലയില്‍ ചുമക്കുന്നു. ഇത്തരമൊരു നേതാവിന്റെ കീഴില്‍ കോണ്‍ഗ്രസിന്റെ ഭാവി എന്തായിരിക്കും' എന്ന് അദ്ദേഹം പറഞ്ഞു.
വ്യാഴാഴ്ച്ച രാവിലെയാണ് രാഹുല്‍ ഗാന്ധി റെയില്‍വേ സ്റ്റേഷനില്‍ എത്തിയത്. പോര്‍ട്ടര്‍മാര്‍ക്കൊപ്പം ഇരുന്ന് അവരുമായി ചര്‍ച്ച നടത്തിയ ശേഷമാണ് രാഹുല്‍ ഗാന്ധി മടങ്ങിയത്. അതേസമയം, രാഹുല്‍ ഗാന്ധിയെ വിമര്‍ശിച്ച് ബിജെപിയും രംഗത്തെത്തിയിരുന്നു. പോര്‍ട്ടര്‍മാരെ സന്ദര്‍ശിച്ചത് രാഹുല്‍ ഗാന്ധിയുടെ സന്ദര്‍ശനം നാടകമാണെന്ന് ബിജെപി ആരോപിച്ചു. വലിച്ചുകൊണ്ടുപോകാന്‍ കഴിയുന്ന സ്യൂട്ട്‌കേസ് എന്തിനാണ് തലയില്‍ ചുമന്ന് നടക്കുന്നതെന്നും ബിജെപി പരിഹസിച്ചു.
Facebook
Twitter
