ഉത്തര്‍പ്രദേശില്‍ ഭാര്യയെ കൊലപ്പെടുത്തിയശേഷം മെട്രോ സ്റ്റേഷനില്‍നിന്നു ചാടി യുവാവ് ആത്മഹത്യ ചെയ്തു. ഗുരുഗ്രാമില്‍ അപാര്‍ട്‌മെന്റില്‍ വാടകയ്ക്ക് താമസിച്ചിരുന്ന ഗൗരവ് ശര്‍മയാണ് മരിച്ചത്. ഉത്തര്‍പ്രദേശിലെ ആഗ്ര സ്വദേശിയായ ഇയാള്‍ ഇന്ന് രാവിലെ 10.30ഓടെയാണ് കൗശാമ്പി മെട്രോ സ്റ്റേഷനില്‍ എത്തിയത്.
ഗുര്‍ഗുഗ്രാമിലെ വീട്ടില്‍ വച്ച് ഭാര്യ ലക്ഷ്മി റാവത്തിനെ കൊലപ്പെടുത്തിയ ശേഷം ഇയാള്‍ ഒളിവിലായിരുന്നു. കൊലപാതക കാരണം വ്യക്തമല്ല. സിസിടിവി ദൃശ്യത്തില്‍ നിന്നാണ് ഇയാള്‍ റെയില്‍വെ പ്ലാറ്റ്‌ഫോമില്‍ നിന്ന് താഴേയ്ക്ക് ചാടുന്നത് കണ്ടത്. സംഭവ സ്ഥലത്തുവച്ചുതന്നെ ഇയാള്‍ മരിച്ചു.
ലക്ഷ്മിയെ വീട്ടില്‍ കൊല്ലപ്പെട്ട നിലയില്‍ കണ്ടെത്തിയപ്പോള്‍ മൃതദേഹത്തിനരികിലിരുന്ന് ഒരു വയസ്സുള്ള കുട്ടി കരയുകയായിരുന്നു. തുടര്‍ന്ന് ഗൗരവിനെ കണ്ടെത്താനായി പൊലീസ് അന്വേഷണം ആരംഭിച്ചു. ഇതിനിടെയാണ് ഗുരുഗ്രാമില്‍ നിന്നും 30 കിലോമീറ്റര്‍ അകലെയുള്ള കൗശംഭിയില്‍ ഇയാളുടെ മൃതദേഹം കണ്ടെത്തിയത്. മൃതദേഹം പോസ്റ്റ്‌മോര്‍ട്ടത്തിന് അയച്ചു. അന്വേഷണം നടന്നുവരികയാണ്.
Facebook
Twitter
