വിവാഹാഭ്യര്‍ത്ഥന നിരാകരിച്ച 25കാരിയുടെ കഴുത്ത് ബ്ലേഡ് വച്ച് അറുത്ത് 44കാരന്‍. മുംബൈയിലെ കാലാചോകി മേഖലയില്‍ ചൊവ്വാഴ്ച ഉച്ചകഴിഞ്ഞാണ് ക്രൂരമായ ആക്രമണം നടന്നത്. വിവാഹാഭ്യര്‍ത്ഥന നിരാകരിച്ചതിലൂടെ അപമാനിച്ചെന്ന് ആരോപിച്ചായിരുന്നു 44കാരന്റെ ക്രൂരത. യുവതിയുടെ വീട്ടിലെത്തിയായിരുന്നു 44കാരന്‍ 25കാരിയെ ആക്രമിച്ചത്. കാലചോകിക്ക് സമീപത്തെ പരശുറാം നഗര്‍ സ്വദേശിയായ 44കാരന്‍ ഡ്രൈവറായാണ് ജോലി ചെയ്യുന്നത്.
രണ്ട് സഹോദരന്മാര്‍ക്കൊപ്പമാണ് 25കാരി താമസിച്ചിരുന്നത്. ഒരു വര്‍ഷത്തോളമായി യുവതിയും 44കാരനും പരിചയത്തിലായിരുന്നു. യുവതിയെ വിവാഹം ചെയ്യണമെന്ന് 44കാരന്‍ അഗ്രഹം പ്രകടിപ്പിച്ചിരുന്നു. യുവതി ഇക്കാര്യം തിങ്കളാഴ്ച നിരാകരിച്ചിരുന്നു. ഇതില്‍ പ്രകോപിതനായാണ് 44കാരന്‍ യുവതിയുടെ കഴുത്ത് ബ്ലേഡ് വച്ച് അറുത്തത്. യുവതിയുടെ നിലവിളി കേട്ടെത്തിയ അയല്‍ക്കാര്‍ യുവതിയെ ആശുപത്രിയിലെത്തിച്ചു.
ഗുരുതരാവസ്ഥയില്‍ ചികിത്സയില്‍ തുടരുകയാണ് യുവതി. അതേസമയം അയല്‍വാസികളെത്തിയതോടെ സ്ഥലത്ത് നിന്ന് 44കാരന്‍ ഓടി രക്ഷപ്പെടുകയായിരുന്നു. സംഭവത്തില്‍ പൊലീസ് കേസ് എടുത്തിട്ടുണ്ട്. അക്രമിയെ പൊലീസ് ചൊവ്വാഴ്ച രാത്രിയോടെ അറസ്റ്റ് ചെയ്തു. കൊലപാതക ശ്രമം അടക്കമുള്ള വകുപ്പുകള്‍ ചുമത്തിയാണ് ഇയാളെ അറസ്റ്റ് ചെയ്തിട്ടുള്ളത്.
Facebook
Twitter
