ഉത്തര്‍പ്രദേശില്‍ ഭാര്യയുടെ തല അറുത്തുമാറ്റിയ ശേഷം അതുമായി റോഡിലൂടെ നടന്ന യുവാവ് അറസ്റ്റില്‍. ലഖ്‌നൗ സ്വദേശിയായ അനിലാണ് പിടിയിലായത്. ഒരു കൈയില്‍ ഭാര്യയുടെ തലയും മറ്റേ കൈയില്‍ കത്തിയുമായി റോഡിലൂടെ നടക്കുന്ന അനിലിന്റെ വീഡിയോ നാട്ടുകാര്‍ ചിത്രീകരിച്ചിരുന്നു. ഈ ദൃശ്യങ്ങള്‍ പുറത്തുവന്നതിന് പിന്നാലെയാണ് പ്രതിയെ പൊലീസ് അറസ്റ്റ് ചെയ്തത്.
എട്ട് വര്‍ഷം മുന്‍പാണ് അനിലിന്റെ വിവാഹം നടന്നത്. എന്നാല്‍ ഇരുവരും പിരിഞ്ഞ് താമസിക്കുകയായിരുന്നു. ഇരുവര്‍ക്കും രണ്ട് കുട്ടികളുമുണ്ട്. ഭാര്യയ്ക്ക് വേറെ ബന്ധമുണ്ടെന്ന് സംശയിച്ചാണ് ഇയാള്‍ കൊലപാതകം നടത്തിയതെന്ന് പൊലീസ് പറയുന്നു. സമാനമായ സംഭവം കഴിഞ്ഞ ബുധനാഴ്ച പശ്ചിമ ബംഗാളിലുമുണ്ടായി.
Facebook
Twitter
