വിദേശ രാജ്യങ്ങളില് നിന്ന് ചട്ടംലംഘിച്ച് എഎപി 7.08 കോടി രൂപ സംഭാവന സ്വീകരിച്ചെന്ന ഇ ഡി. ചട്ടലംഘനങ്ങള് ചൂണ്ടിക്കാട്ടി കേന്ദ്ര ആഭ്യന്തര മന്ത്രാലയത്തിന് ഇ ഡി റിപ്പോര്ട്ട് നല്കി.
2014 -2022 കാലയളവില് പണം നല്കിയ പലരുടെയും പാസ്പോര്ട്ട് നമ്പര്, ക്രെഡിറ്റ് കാര്ഡ് നമ്പര്, മൊബൈല് ഫോണ് നമ്പര്, ഇമെയില് ഐഡി എന്നിവ സമാനമാണ്. കാനഡ, അമേരിക്ക, മിഡില് ഈസ്റ്റ്, ന്യൂസിലന്ഡ്, ഓസ്ട്രേലിയ രാജ്യങ്ങളില് നിന്നാണ് പണമെത്തിയതെന്നും ഇ ഡി റിപ്പോര്ട്ടില് പറയുന്നു.
155 പേര് 404 തവണയായി 1.02 കോടി രൂപ സംഭാവന നല്കിയെന്നും എന്നാല് സംഭാവനകള് 55 പാസ്പോര്ട്ടുകളുമായി മാത്രമേ ബന്ധിപ്പിച്ചിട്ടുള്ളുവെന്നുമാണ് റിപ്പോര്ട്ട്. വിദേശവിനിമയ ചട്ടവും ജനപ്രാതിനിധ്യ നിയമവും എഎപി ലംഘിച്ചെന്നും ഇ ഡി റിപ്പോര്ട്ടില് പറയുന്നു.
2021ല് വിഷയത്തില് അന്വേഷണം ആരംഭിച്ച ഇഡി കഴിഞ്ഞ വര്ഷം ആഗസ്റ്റില് ആഭ്യന്തര മന്ത്രാലയത്തിന് പ്രാഥമിക റിപ്പോര്ട്ട് നല്കിയിരുന്നു .
പഞ്ചാബിലെ എഎപി മുന് എംഎല്എയും ഇപ്പോള് കോണ്ഗ്രസ് നേതാവുമായ സുഖ്പാല് സിങ് ഖൈറയെ മയക്കുമരുന്ന് കേസില് അറസ്റ്റ് ചെയ്തതിന് പിന്നാലെ കണ്ടെടുത്ത രേഖകളില് നിന്നാണ് ഇത്തരം സംഭാവന നല്കിയവരുടെ വിവരം ലഭിച്ചതെന്നാണ് ഇഡിയുടെ അവകാശവാദം.