മദ്യനയ അഴിമതി കേസില് അറസ്റ്റിലായ ഡല്ഹി മുഖ്യമന്ത്രി അരവിന്ദ് കെജ്രിവാള് ഇന്ഫര്മേഷന് ഡയറക്ടറേറ്റിന്റെ കസ്റ്റഡിയില് തുടരുന്നു. വിശദമായ ചോദ്യം ചെയ്യലിലേക്ക് ഇന്ന് കടക്കുമെന്നാണ് ഇഡി വൃത്തങ്ങള് നല്കുന്ന സൂചന. പ്രാഥമിക ചോദ്യം ചെയ്യല് പൂര്ത്തിയാക്കിയ ശേഷം മറ്റ് പ്രതികള്ക്കൊപ്പം ഇരുത്തി കെജ്രിവാളിനെയും ചോദ്യം ചെയ്തേക്കുമെന്നും വിവരം.
ഇഡി കസ്റ്റഡിയില് വിട്ട റൂസ് അവന്യൂ കോടതി നടപടിക്കെതിരെ ഡല്ഹി ഹൈക്കോടതിയെ സമീപിച്ചെങ്കിലും, അടിയന്തരമായി പരിഗണിക്കണമെന്ന കെജ്രിവാളിന്റെ ആവശ്യം അംഗീകരിച്ചില്ല. ഹോളിക്ക് ശേഷം ബുധനാഴ്ച മാത്രമേ ഹൈക്കോടതി ഹര്ജി പരിഗണിക്കൂ. അറസ്റ്റും റിമാന്ഡും നിയമവിരുദ്ധമാണെന്ന് ഹര്ജിയില് ചൂണ്ടിക്കാട്ടുന്നുണ്ട്.
കെജ്രിവാളിന്റെ അറസ്റ്റിനെതിരെ പ്രതിഷേധം രാജ്യവ്യാപകമാക്കാനാണ് ആം ആദ്മി പാര്ട്ടിയുടെ തീരുമാനം.