അബുദാബി വിമാനത്താവളത്തില്‍ നിന്ന് ഏറ്റവും കൂടുതല്‍ പേര്‍ യാത്ര ചെയ്യുന്നത് ഇന്ത്യന്‍ നഗരങ്ങളിലേക്കെന്ന് കണക്കുകള്‍. ഏറ്റവും കൂടുതല്‍ പേര്‍ യാത്ര ചെയ്യുന്നതില്‍ ഒന്നാം സ്ഥാനത്തുള്ള ന?ഗരം മുംബൈയാണ്. കൊച്ചിക്ക് നാലാം സ്ഥാനമാണുളളത്. അബുദാബി വിമാനത്താവളം വഴി യാത്രചെയ്യുന്നവരുടെ എണ്ണത്തില്‍ ഈ വര്‍ഷം 67 ശതമാനം വര്‍ധന രേഖപ്പെടുത്തി. വിമാനത്താവള അധികൃതര്‍ പുറത്ത് വിട്ട ഏറ്റവും പുതിയ കണക്കില്‍ നിന്നാണ് യാത്രക്കാരുടെ എണ്ണം വ്യക്തമാകുന്നത്.
ഈ പട്ടികയില്‍ ഡല്‍ഹിയാണ് മൂന്നാം സ്ഥാനത്ത്. കഴിഞ്ഞ ആറുമാസത്തിനിടെ 4,61,081 പേരാണ് അബുദാബിയില്‍ നിന്ന് മുംബൈയിലേക്ക് പറന്നത്. പട്ടികയില്‍ രണ്ടാം സ്ഥാനത്തുള്ള ലണ്ടനിലേക്ക് പറന്നത് 3,74,017 യാത്രക്കാരാണ്. മൂന്നാം സ്ഥാനത്തുള്ള ഡല്‍ഹിയിലേക്ക് 3,31,722 പേരും നാലാം സ്ഥാനത്തുള്ള കൊച്ചിയിലേക്ക് 3,16,460 പേരും യാത്രചെയ്തു. ഒരു കോടിയിലേറെ യാത്രക്കാരാണ് കഴിഞ്ഞ ആറുമാസത്തിനിടെ അബുദാബി വിമാനത്താവളം വഴി യാത്ര ചെയ്തത്.
Facebook
Twitter
