ദുബായില്‍ പിക്കപ്പ് വാനും ട്രക്കും കൂട്ടിയിടിച്ച് അപകടം; രണ്ട് പേര്‍ മരിച്ചു
ദുബായ് ഷെയ്ഖ് മുഹമ്മദ് ബിന്‍ സായിദ് റോഡില്‍ ഉണ്ടായ വാഹനാപടത്തില്‍ രണ്ട് പേര്‍ മരിച്ചു. അപടത്തില്‍ രണ്ട് പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു. പിക്കപ്പ് വാനും ട്രക്കും കൂട്ടിയിടിച്ചാണ് അപകടം ഉണ്ടായത്.
മുന്നിലുണ്ടായിരുന്ന ട്രക്കുമായി പിക്ക് അപ്പ് ഡ്രൈവര്‍ സുരക്ഷിത അകലം പാലിക്കാത്തതാണ് അപകടത്തിന് കാരണമെന്ന് ദുബായ് പൊലീസ് അറിയിച്ചു. മരിച്ചവരുടേയും പരിക്കേറ്റവരുടെയും വിശദാംശങ്ങള്‍ പൊലീസ് പുറത്ത് വിട്ടിട്ടില്ല.
വാഹനങ്ങള്‍ തമ്മില്‍ സുരക്ഷിതമായ അകലം പാലിക്കണമെന്നും സ്പീഡ് ലിമിറ്റ് മറികടക്കരുതെന്നും ദുബായ് പൊലീസ് പൊതുജനങ്ങള്‍ക്ക് വീണ്ടും മുന്നറിയിപ്പ് നല്‍കി.
Facebook
Twitter
