ദുബായ് ഗ്ലോബല്‍ വില്ലേജ്; പുതിയ ബസ് റൂട്ടുകള്‍ പ്രഖ്യാപിച്ചു
ദുബായ് ഗ്ലോബല്‍ വില്ലേജിലേക്ക് പുതിയ ബസ് റൂട്ടുകള്‍ പ്രഖ്യാപിച്ച് റോഡ്‌സ് ആന്റ് ട്രാന്‍സ്‌പോര്‍ട്ട് അതോറിറ്റി. സന്ദര്‍ശകര്‍ക്ക് വേഗത്തില്‍ ഗ്ലോബല്‍ വില്ലേജില്‍ എത്തിച്ചേരാന്‍ കഴിയുന്ന രീതിയിലാണ് സര്‍വീസുകള്‍ ക്രമീകരിച്ചിരിക്കുന്നത്. ഈ മാസം 18നാണ് ഗ്ലോബല്‍ വില്ലേജിന്റെ പുതിയ സീസണിന് തുടക്കമാവുക.
ഗ്ലോബല്‍ വില്ലേജിലേക്ക് വിവിധ ഭാഗങ്ങളില്‍ നിന്ന് നാല് ബസ് റൂട്ടുകളാണ് റോഡ്‌സ് ആന്റ് ട്രാന്‍സ്‌പേര്‍ട്ട് അതോറിറ്റി പ്രഖ്യാപിച്ചിരിക്കുന്നത്. അല്‍ ഇത്തിഹാദ് ബസ് സ്റ്റേഷനില്‍ നിന്ന് ഓരോ 40 മിനിറ്റിലും അല്‍ ഗുബൈബ ബസ് സ്റ്റേഷനില്‍ നിന്ന് ഓരോ മണിക്കൂറിലും ഗ്ലോബല്‍ വില്ലേജിലേക്ക് ബസ് പുറപ്പെടും. മാള്‍ ഓഫ് എമിറേറ്റസ് ബസ് സ്റ്റേഷനില്‍ നിന്നും ഓരോ മണിക്കൂര്‍ ഇടവിട്ടായിരിക്കും സര്‍വീസ്.
ഗ്ലോബല്‍ വില്ലേജില്‍ ഇലക്ട്രിക് അബ്ര സര്‍വീസും ആര്‍ടിഎ പുനരാരംഭിക്കും.
Facebook
Twitter
