ഗ്ലോബല്‍ വില്ലേജ് ടിക്കറ്റ് നിരക്കുകള്‍ പ്രഖ്യാപിച്ചു
ഈ മാസം 18 മുതല്‍ ആരംഭിക്കുന്ന 28ാമത് സീസണിലേക്കുള്ള പ്രവേശന ടിക്കറ്റുകളുടെ നിരക്കുകള്‍ ദുബൈ ഗ്ലോബല്‍ വില്ലേജ് പ്രഖ്യാപിച്ചു. രണ്ടു തരം ടിക്കറ്റുകളാണ് വിതരണം ചെയ്യുക. പ്രവൃത്തി ദിനങ്ങളില്‍ സന്ദര്‍ശകരെ ആകര്‍ഷിക്കാനായി പൊതു അവധി ദിനങ്ങള്‍ ഒഴികെ ഞായര്‍ മുതല്‍ വ്യാഴം വരെ പ്രാബല്യമുള്ള ടിക്കറ്റുകളും വാരാന്ത്യങ്ങളും പൊതു അവധി ദിനങ്ങളും ഉള്‍പ്പെടെ ആഴ്ചയില്‍ ഏതു ദിവസം വേണമെങ്കിലും ഉപയോഗിക്കാവുന്ന ടിക്കറ്റുകളുമാണ് വിതരണം ചെയ്യുന്നത്.
22.50 ദിര്‍ഹം മുതലാണ് ടിക്കറ്റുകളുടെ നിരക്ക്. അതേസമയം ആപ് വഴി ടിക്കറ്റ് എടുക്കുന്നവര്‍ക്ക് 10 ശതമാനം കിഴിവ് ലഭിക്കും. പ്രവേശനടിക്കറ്റ് ഉപയോഗിച്ച് വിവിധ ഷോകളും സ്റ്റേജ് പ്രോഗ്രാമുകളും സന്ദര്‍ശകര്‍ക്ക് ആസ്വദിക്കും. വിവിധ രാജ്യങ്ങളില്‍ നിന്നെത്തുന്ന 400 പ്രകടനക്കാരുടെ 40000 ഷോകളാണ് ഗ്ലോബല്‍ വില്ലേജ് ഇത്തവണ ഒരുക്കുന്നത്. വെള്ളി, ശനി ദിവസങ്ങളില്‍ രാത്ര ഒമ്പതു മുതല്‍ കരിമരുന്ന് പ്രയോഗവും നടത്തും. സന്ദര്‍ശകരെ ആകര്‍ഷിക്കാനായി ഇത്തവണ വിപുലമായ പരിപാടികളും സ്റ്റേജ് ഷോകളുമാണ് സംഘാടകര്‍ ഒരുക്കുന്നത്.
Facebook
Twitter
