ദുബായില്‍ ഗ്യാസ് സിലിണ്ടര്‍ പൊട്ടിത്തെറിച്ച് പരിക്കേറ്റ നിധിന്‍ ദാസ് മരിച്ചു
കരാമയില്‍ താമസസ്ഥലത്ത് ഗ്യാസ് സിലിണ്ടര്‍ പൊട്ടിത്തെറിച്ചുണ്ടായ അപകടത്തില്‍ ഒരു മലയാളി കൂടി മരിച്ചു. കണ്ണൂര്‍ തലശ്ശേരി പുന്നോല്‍ സ്വദേശി ടെമ്പിള്‍ ഗേറ്റ് നിട്ടൂര്‍ വീട്ടില്‍ നിധിന്‍ ദാസ് ആണ് മരിച്ചത്. 24 കാരനായ നിധിന്‍ വിസിറ്റ് വിസയില്‍ ജോലി തേടിയെത്തിയതായിരുന്നു. ഇതോടെ മരിച്ചവരുടെ എണ്ണം രണ്ടായി.
ഗുരുതര പരുക്കുകളോടെ ദുബായ് റാഷിദ് ആശുപത്രിയില്‍ ചികില്‍സയില്‍ കഴിയവെയാണ് നിധിന്‍ മരിച്ചത്. മലപ്പുറം സ്വദേശിയും ബര്‍ദുബായിലെ അനാം അല്‍ മദീന ഫ്രൂട്ട്‌സ് ഷോപ്പിലെ ജീവനക്കാരനുമായ തിരൂര്‍ പറവണ്ണ സ്വദേശി യാക്കൂബ് അബ്ദുല്ല (38) ഇന്നലെ സംഭവസ്ഥലത്ത് മരണമടഞ്ഞിരുന്നു.
ചികിത്സയില്‍ കഴിയുന്ന എട്ടു പേരില്‍ രണ്ടു പേരുടെ നില ഗുരുതരമാണ്. റാഷിദ് ആശുപത്രിയില്‍ കഴിയുന്ന നാലു പേരില്‍ കണ്ണൂര്‍ തലശ്ശേരി പുന്നോല്‍ സ്വദേശികളായ ഷാനില്‍, നഹീല്‍ എന്നിവര്‍ അപകടനില പൂര്‍ണമായി തരണംചെയ്തിട്ടില്ല. എന്‍എംസി ആശുപത്രിയില്‍ നാലുപേരും ചികില്‍സയിലുണ്ട്.
Facebook
Twitter
