ദുബായ് എയര്‍ഷോ ; ഈ മാസം ആറു മുതല്‍ യാത്രക്കാരുടെ പാസ്‌പോര്‍ട്ടില്‍ പ്രത്യേക മുദ്രയുമായി എമിഗ്രേഷന്‍
ആകാശ വിസ്മയമായ ദുബായ് എയര്‍ഷോയുടെ ഭാഗമായി യാത്രക്കാരുടെ പാസ്‌പോര്‍ട്ടില്‍ പ്രത്യേക സ്റ്റാംപ് പതിക്കാന്‍ ജിഡിആര്‍എഫ്എ ദുബായ്.
ഈ മാസം ആറു മുതല്‍ 18 വരെ ദുബായ് രാജ്യാന്തര വിമാനത്താവളത്തിലെത്തുന്ന യാത്രക്കാരുടെ പാസ്‌പോര്‍ട്ടില്‍ എയര്‍ ഷോയുടെ ലോഗോ പതിച്ച് അവരെ രാജ്യത്തേക്ക് സ്വാഗതം ചെയ്യും.
ദ് ഫ്യൂച്ചര്‍ ഓഫ് ദ് എയറോസ്‌പേസ് ഇന്‍ഡസ്ട്രി എന്ന് മുദ്രണം ചെയ്ത സ്റ്റാംപാണ് പതിപ്പിക്കുക. വ്യോമസേന രംഗത്ത് മുന്നേറ്റം നടത്തുന്നതിലും ടൂറിസത്തിലും വ്യോമ ഗതാഗതത്തിനുമുള്ള പ്രമുഖ കേന്ദ്രമെന്ന നിലയില്‍ ദുബായുടെ സ്ഥാനം ഉയര്‍ത്തുന്നതില്‍ ദുബായ് എയര്‍ഷോ വഹിക്കുന്ന പ്രാധാന്യം വ്യക്തമാക്കിയാണ് നടപടി. ഈ മാസം 13 മുതല്‍ 17 വരെയാണ് എയര്‍ഷോ.
Facebook
Twitter
