യുഎഇയില്‍ വാഹനാപകടത്തില്‍ പ്രവാസി മലയാളി യുവാവ് മരിച്ചു. മലപ്പുറം നിലമ്പൂര്‍ എടക്കര കലാ സാഗര്‍ സ്വദേശി ചങ്ങനാക്കുന്നേല്‍ മനോജ് ആണ് മരിച്ചത്. 38 വയസ്സായിരുന്നു.
ഷാര്‍ജയിലെ അബൂ ശാഖാറയിലാണ് അപകടത്തില്‍ പെട്ടത്. ഉടന്‍ തന്നെ അല്‍ ഖാസ്മിയ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. ഷാര്‍ജയിലെ ഒരു റെസ്റ്റോറന്റില്‍ കുക്കായി ജോലി ചെയ്തുവരികയായിരുന്നു.
ചങ്ങനാക്കുന്നേല്‍ മാണി സാറാമ്മ ദമ്പതികളുടെ മകനാണ്. അവിവാഹിതനാണ്. മൃതദേഹം നാട്ടിലെത്തിച്ച് സംസ്‌കരിക്കും.
Facebook
Twitter
