കാന്‍ ഫെസ്റ്റിവലില്‍ തണ്ണീര്‍മത്തന്‍ ബാഗുമായി നടി കനി കുസൃതി എത്തിയത് അറ്റന്‍ഷന്‍ സീക്കിങിന്റെ ഭാഗമാണെന്ന് ബിഗ് ബോസ് മലയാളം സീസണ്‍ ത്രീ മത്സരാര്‍ത്ഥിയായിരുന്ന ഫിറോസ് ഖാന്‍. ഒരു ഓണ്‍ലൈന്‍ ചാനലിന് നല്‍കിയ അഭിമുഖത്തിലാണ് ഫിറോസ് ഇക്കാര്യം പറഞ്ഞത്.
'കാനിന്റെ റെഡ് കാര്‍പ്പറ്റ് ഒരുപാട് പേരുടെ ശ്രദ്ധ ആകര്‍ഷിക്കുന്ന ഒരു പ്ലാറ്റഫോമാണ്. അവിടെ പങ്കെടുക്കുന്ന എല്ലാവര്ക്കും മൂന്ന് ദിവസത്തെ ക്ലാസുണ്ടാകാറുണ്ട്. അതില്‍ പറയുന്ന ഒരു കാര്യം വേദിയില്‍ രാഷ്ട്രീയം, മതം എന്നിവ സംസാരിക്കാന്‍ പാടില്ല എന്നതാണ്. ഇത് ലോകം മുഴുവന്‍ കാണുന്ന ഒരു പരിപാടിയാണ്. അവിടെ അത്തരം കാര്യങ്ങള്‍ പാടില്ല. അങ്ങനെ ഒരു സ്ഥലത്താണ് പാലസ്തീന് ഐക്യദാര്‍ഢ്യം പ്രഖ്യാപിച്ച് ഒരു തണ്ണിമത്തന്റെ ബാഗുമായി എത്തിയത്'
'പലസ്റ്റീന്‍ മാത്രമല്ല, ഒരുപാട് രാജ്യങ്ങള്‍ക്ക് വേണ്ടി ഐക്യദാര്‍ഢ്യം പ്രഖ്യാപിക്കേണ്ട ഒരുപാട് കാര്യങ്ങളുണ്ട്. ഇതിന് മുമ്പ് അവര്‍ ബിരിയാണി സിനിമയുടെ ഭാഗമായി പല ശ്രദ്ധ നേടുന്ന വേദികളും പങ്കിട്ടിട്ടുണ്ട്. നാടിന് വേണ്ടി സംസാരിക്കുന്നയാളാണെങ്കില്‍ എന്തുകൊണ്ട് ഇന്ത്യയിലെ ഒരു വിഷയത്തെ കുറിച്ച് അവര്‍ അവതരിപ്പിച്ചില്ല?'ആദ്യം നമ്മുടെ നാടുകൂടി ഒന്ന് രക്ഷപ്പെടുത്തിക്കണ്ടേ.'
സ്വയം നന്നായിട്ടല്ലേ വീട്ടുകാരെ നന്നാക്കേണ്ടത്? വീട്ടുകാരെ നന്നാക്കിയിട്ടല്ലേ നാട്ടുകാരെ നന്നാക്കേണ്ടത്? അങ്ങനെയൊരു പോളിസി പണ്ടുമുണ്ടല്ലോ. നമ്മുടെ രാജ്യം അഭിമുഖീകരിക്കുന്ന ഒരു പ്രശ്‌നമാണ് ശൗചാലയം. കേരളത്തില്‍ ഉള്ളവര്‍ക്ക് അത്ര പ്രശ്‌നമില്ലെങ്കിലും നോര്‍ത്ത് ഇന്ത്യ പോലെയുള്ള സ്ഥലങ്ങളില്‍ കക്കൂസ് എന്ന് പറയുന്നത് വളരെ പ്രധാനമാണ്. എന്തുകൊണ്ട് അവര്‍ കക്കൂസ് കൊണ്ടുള്ള ഒരു ബാഗുമായി മറ്റ് വേദികളില്‍ വന്നില്ല? ഇത് ശരിക്കും അറ്റെന്‍ഷന്‍ സീക്കിങ് തന്നെയാണ്' എന്നാണ് ഫിറോസ് പറയുന്നത്.
Facebook
Twitter
