ഷിരൂരിലെ മണ്ണിടിച്ചിലില് പെട്ട് മരിച്ച അര്ജുന്റെ കുടുംബത്തിന്റെ പരാതിയിലെടുത്ത കേസില് നിന്ന് ലോറിയുടമ മനാഫിനെ ഒഴിവാക്കും. മനാഫിനെതിരെ കേസ് എടുക്കണമെന്ന് കുടുംബം ആവശ്യപ്പെട്ടിരുന്നില്ല.
മനാഫിന്റെ വീഡിയോയുടെ താഴെ കുടുംബത്തിന് നേരെ സൈബര് ആക്രമണം നടക്കുന്നു എന്നായിരുന്നു പരാതി. പ്രാഥമിക അന്വേഷണത്തിന്റെ ഭാഗമായിട്ടാണ് മനാഫിന്റെ പേര് എഫ്ഐആറില് ഉള്പ്പെടുത്തിയത്. എഫ്ഐആറില് നിന്ന് മനാഫിനെ ഒഴിവാക്കുമെന്ന് ഇന്ന് പൊലീസ് അറിയിച്ചിരിക്കുന്നത്.
അന്വേഷണം നടത്തി ആവശ്യമെങ്കില് മനാഫിനെ ഒഴിവാക്കുമെന്ന് ഇന്നലെ പൊലീസ് അറിയിച്ചിരുന്നു. അതേസമയം, സൈബര് ആക്രമണ പരാതിയില് മനാഫിനെ സാക്ഷിയാക്കും. സൈബര് ആക്രമണം നടത്തിയ സോഷ്യല് മീഡിയ പ്രൊഫൈലുകള് പൊലീസ് പരിശോധിച്ചു വരികയാണ്. സംഭവത്തില് തെറ്റായ സന്ദേശം നല്കിയ ചില യൂട്യൂബര്മാര്ക്കെതിരെ കേസ് എടുക്കും.