കണ്ണൂര് എഡിഎം നവീന് ബാബുവിന്റെ മരണത്തിന് പിന്നാലെ സിപിഎം നേതാവും മുന് പഞ്ചായത്ത് പ്രസിഡന്റും ആയ പി പി ദിവ്യ ഒളിവില്പോയെന്നാണ് സൂചന. ദിവ്യ ഇരിണാവിലെ വീട്ടില് ഇല്ലെന്നാണ് വിവരം. ഒരാഴ്ച പിന്നിട്ടിട്ടും ദിവ്യയുടെ ചോദ്യം ചെയ്യല് വൈകുകയാണ്. പൊലീസ് അന്വേഷണത്തില് മാത്രമല്ല റവന്യു വകുപ്പ് അന്വേഷണത്തിലും ദിവ്യയുടെ മൊഴിയെടുത്തിട്ടില്ല.
മുന്കൂര് ജാമ്യ ഹര്ജിയില് തീരുമാനം വരാന് കാക്കുകയാണ് പൊലീസ്. ദിവ്യ ഇരിണാവിലെ വീട്ടില് ഇല്ലെന്നാണ് വിവരം. മുന്കൂര് ജാമ്യഹര്ജി ഇന്ന് തലശ്ശേരി പ്രിന്സിപ്പല് സെഷന്സ് കോടതി പരിഗണിക്കും. ചോദ്യം ചെയ്യുന്നതില് ദിവ്യ സാവകാശം തേടിയെന്നായിരുന്നുവെന്നാണ് വിവരം. അതേസമയം ജില്ലാ കളക്ടര് അരുണ് കെ വിജയന് ഇന്നും ഔദ്യോഗിക പരിപാടികള് റദ്ദാക്കിയിട്ടുണ്ട്.
അഴിമതിക്കെതിരെ സദുദ്ദേശപരമായി മാത്രമാണ് താന് സംസാരിച്ചതെന്നും എ ഡി എമ്മിനെ ആത്മഹത്യയിലേക്ക് തള്ളിവിടാനായിരുന്നില്ലെന്നുമാണ് ദിവ്യ മുന്കൂര് ജാമ്യ ഹര്ജിയില് പറയുന്നത്.ഫയല് നീക്കം വേഗത്തിലാക്കണമെന്നതാണ് താന് ഉദ്ദേശിച്ചതെന്നും ദിവ്യ പറയുന്നു. പ്രസംഗത്തിന്റെ വീഡിയോ അടക്കം സമര്പ്പിച്ചുകൊണ്ടാണ് മുന്കൂര് ജാമ്യഹര്ജി സമര്പ്പിച്ചിരിക്കുന്നത്. ജില്ലാ കളക്ടറാണ് തന്നെ പരിപാടിയിലേക്ക് ക്ഷണിച്ചതെന്ന് ദിവ്യ ഹര്ജിയില് ചൂണ്ടികാട്ടിയിട്ടുണ്ട്.