സന്ദീപ് വാര്യരുടെ വരവ് കോണ്‍ഗ്രസിന് ഗുണകരമാകും, കൂടുതല്‍ പേര്‍ ഇനിയും കോണ്‍ഗ്രസിലേക്ക് വരുമെന്ന് കെ സുധാകരന്‍
സന്ദീപ് വാര്യരുടെ വരവ് കോണ്‍ഗ്രസിന് ഗുണമാകുമെന്ന് കെപിസിസി അധ്യക്ഷന്‍ കെ സുധാകരന്‍. സന്ദീപിന് പിന്നാലെ കൂടുതല്‍ ആളുകള്‍ പാര്‍ട്ടിയിലേക്ക് വരുമെന്നും സുധാകരന്‍ പറഞ്ഞു. സന്ദീപിന്റെ വരവ് താന്‍ ബിജെപിയാകുമെന്ന് പ്രചരിപ്പിച്ചവര്‍ക്കുള്ള മറുപടിയാണ്. ബിജെപിയില്‍ നിന്ന് ആളുകളെ കോണ്‍ഗ്രസിലേക്ക് കൊണ്ടുവന്ന അധ്യക്ഷനാണ് താന്‍ എന്നും ഇനിയും ആളുകള്‍ വരുമെന്നും കെ സുധാകരന്‍ പറഞ്ഞു.
കെപിസിസി ആവശ്യപ്പെട്ട പ്രകാരമാണ് സന്ദീപ് വാര്യര്‍ പാണക്കാട്ടേക്ക് പോകുന്നതെന്നും മുന്നണിയില്‍ വരുമ്പോള്‍ ലീഗിനെ കൂടി ബഹുമാനിക്കേണ്ടതിന്റെ ആവശ്യമുണ്ടെന്നും സുധാകരന്‍ കൂട്ടിച്ചേര്‍ത്തു. സന്ദീപ് വാര്യരുടെ വരവ് കോണ്‍ഗ്രസിന് ദ്രോഹമാകുമോ എന്ന് പരിശോധിച്ചു. സന്ദീപ് വാര്യരുടെ വരവ് ഗുണമാകും എന്നാണ് പാര്‍ട്ടി വിലയിരുത്തല്‍. ബിജെപിക്ക് അകത്ത് നിന്ന് ചെയതതൊന്നും ഇനി സന്ദീപ് ചെയ്യില്ല. ആ ഉറപ്പിന്റെ അടിസ്ഥാനത്തിലാണ് സന്ദീപിനെ കൂടെ കൂട്ടിയത്. ബിജെപിക്ക് മുതല്‍ക്കൂട്ടായ ആളാണ് ഇന്ന് കോണ്‍ഗ്രസിനൊപ്പം ചേര്‍ന്നതെന്നും സുധാകരന്‍ പറഞ്ഞു.
Facebook
Twitter
