ആരാധനാലയങ്ങളെ ലക്ഷ്യമിട്ടുള്ള നീക്കം; സുരക്ഷ തകര്‍ക്കാന്‍ ശ്രമിക്കുന്ന ആരേയും നേരിടാന്‍ തയ്യാറെന്ന് ആഭ്യന്തര മന്ത്രി
കുവൈത്തിലെ ആരാധനാലയങ്ങളെ ലക്ഷ്യമിട്ടുള്ള ഒരു ഭീകരാക്രമണ നീക്കം ആഭ്യന്തര മന്ത്രാലയത്തിന്റെ കീഴിലുള്ള സ്റ്റേറ്റ് സെക്യൂരിറ്റി സര്‍വീസ് തകര്‍ത്ത പശ്ചാത്തലത്തില്‍ മന്ത്രാലയത്തിന്റെ സുരക്ഷാ സജ്ജീകരണങ്ങള്‍ വ്യക്തമാക്കി ആഭ്യന്തര മന്ത്രി ശൈഖ് ഫഹദ് അല്‍ യൂസഫ്. രാജ്യത്തിന്റെ സുരക്ഷയും സ്ഥിരതയും തകര്‍ക്കാനുള്ള ഏത് ശ്രമങ്ങളെയും പ്രതിരോധിക്കാന്‍ ജാഗ്രതയോടെയും കരുതലോടെയും ഇരിക്കണമെന്ന അമീറിന്റെ നിര്‍ദ്ദേശങ്ങള്‍ നടപ്പിലാക്കാന്‍ മന്ത്രാലയം പ്രതിജ്ഞാബദ്ധമാണെന്ന് അദ്ദേഹം വ്യക്തമാക്കി.
കുവൈത്തിന്റെ സുരക്ഷ തകര്‍ക്കാന്‍ ശ്രമിക്കുന്ന ആരെയും നേരിടാന്‍ ആഭ്യന്തര മന്ത്രാലയം തയ്യാറാണെന്നും അല്‍ യൂസഫ് പറഞ്ഞു. ഭീകരവാദ ഭീഷണികളെ തടയാനും സുരക്ഷ നിലനിര്‍ത്താനും രാജ്യത്തിന്റെ സ്ഥിരത തകര്‍ക്കാനുള്ള ഭീകരരുടെ ഏതൊരു ഗൂഢാലോചനയും ശ്രമവും തകര്‍ക്കാനും കഴിവുള്ള മന്ത്രാലയ ഉദ്യോഗസ്ഥരുള്ളത് കൊണ്ട് ഭീകരവാദം കുവൈത്തിനെ ബാധിക്കില്ല എന്നും അദ്ദേഹം വ്യക്തമാക്കി.
Facebook
Twitter
