കുവൈത്തില്‍ വന്‍തോതില്‍ ലഹരിവസ്തുക്കള്‍ കൈവശം വെച്ച നാല് പേരെ അറസ്റ്റ് ചെയ്തു. മയക്കുമരുന്ന് കടത്തും സൈക്കോട്രോപിക് വസ്തുക്കളുടെ കള്ളക്കടത്തും തടയുന്നതിനുള്ള നിരന്തര ശ്രമങ്ങളുടെ ഭാഗമായി, ജനറല്‍ ഡിപ്പാര്‍ട്ട്മെന്റ് ഫോര്‍ ഡ്രഗ് കണ്‍ട്രോള്‍ രണ്ട് വ്യത്യസ്ത കേസുകളിലായാണ് നാല് പേരെ അറസ്റ്റ് ചെയ്തത്.
സഅദ് അല്‍-അബ്ദുള്ള, അബ്ദുള്ള അല്‍ മുബാറക്, ഹവല്ലി പ്രദേശങ്ങള്‍ കേന്ദ്രീകരിച്ച് പ്രവര്‍ത്തിക്കുന്ന ഒരു മയക്കുമരുന്ന് കടത്ത് ശൃംഖലയാണ് അധികൃതര്‍ തകര്‍ത്തത്.
രാജ്യത്തിനകത്ത് നിന്ന് രണ്ട് ആഭ്യന്തര മന്ത്രാലയ ഉദ്യോഗസ്ഥര്‍ ഉള്‍പ്പെടെ മൂന്ന് പേരെ അറസ്റ്റ് ചെയ്തു. പിടിയിലായ മൂന്നാമന്‍ പൗരത്വമില്ലാത്ത വ്യക്തിയാണ്. ഈ ശൃംഖല നിയന്ത്രിച്ചിരുന്നത് യുകെയില്‍ താമസിക്കുന്ന മറ്റൊരു പൗരത്വമില്ലാത്ത വ്യക്തിയാണെന്ന് അന്വേഷണത്തില്‍ കണ്ടെത്തി. റെയ്ഡില്‍ ഉദ്യോഗസ്ഥര്‍ 25 കിലോഗ്രാം കഞ്ചാവ്, 100 ലൈറിക ഗുളികകള്‍, 2 ഗ്രാം ഷാബു, 10 ഗ്രാം ഹാഷിഷ് എന്നിവ പിടിച്ചെടുത്തു. രണ്ടാമത്തെ കേസില്‍, സൈക്കോട്രോപിക് ലഹരിവസ്തുക്കള്‍ രാജ്യത്തേക്ക് കടത്താന്‍ ശ്രമിച്ച ഒരു ഗള്‍ഫ് പൗരനെക്കുറിച്ച് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ സുരക്ഷാ ഉദ്യോഗസ്ഥര്‍ ഇയാളെ അറസ്റ്റ് ചെയ്തു. വിതരണത്തിനായി കൊണ്ടുവന്ന 5,00,000 കാപ്റ്റഗണ്‍ ഗുളികകളാണ് ഇയാളില്‍ നിന്ന് പിടിച്ചെടുത്തത്.
Facebook
Twitter
