കേരളത്തിലെ വോട്ടര്മാര് വടക്കേ ഇന്ത്യയില് നിന്ന് വ്യത്യസ്തമാണെന്നുള്ള രാഹുല് ഗാന്ധി പരാമര്ശത്തിനെതിരെ വിമര്ശനവുമായി കോണ്ഗ്രസിന്റെ മുതിര്ന്ന നേതാവ് കപില് സിബല്. വോട്ടര്മാര് ബുദ്ധിയുള്ളവരാണെന്നും അവരുടെ ബുദ്ധി പരീക്ഷിക്കരുതെന്നും കപില് സിബല് പറഞ്ഞു. വോട്ടര്മാരുടെ വിവേകത്തെ ബഹുമാനിക്കണം. അവര് എവിടെയുള്ളവരെന്നതല്ല കാര്യമെന്നും കപില് സിബല് കൂട്ടിച്ചേര്ത്തു.
കേരളത്തിലെ വോട്ടര്മാര് വടക്കേ ഇന്ത്യയില് നിന്ന് വ്യത്യസ്തമാണെന്നായിരുന്നു രാഹുല് ഗാന്ധിയുടെ പരാമര്ശം. ഇത് ദേശീയ തലത്തില് വിവാദമായ സാഹചര്യത്തിലാണ് പാര്ട്ടിക്കുള്ളില് നിന്ന് തന്നെരാഹുലിനെതിരെ വിമര്ശനം ഉയരുന്നത്. ഇന്ത്യയെ വെട്ടിമുറിച്ച് വടക്കേ, തെക്കേ ഇന്ത്യകളെന്ന് വേര്തിരിക്കാനുള്ള ശ്രമമാണ് രാഹുലിന്റേതെന്ന് ആരോപിച്ച് ബിജെപി നേതാക്കള് രംഗത്തെത്തിയിരുന്നു.
ഇന്ത്യയെ വെട്ടിമുറിക്കാന് രാഹുല് ശ്രമിക്കുന്നുവെന്ന് കേന്ദ്രമന്ത്രി ഗിരിരാജ് സിങ് ആരോപിച്ചു. വടക്കേ ഇന്ത്യക്കാരെ അവഹേളിച്ചെന്ന് വിദേശകാര്യമന്ത്രി എസ്. ജയ്ശങ്കറും രാഹുല് വ!ര്ഗീയവിഷം ചീറ്റുന്നുവെന്ന് ബിജെപി അധ്യക്ഷന് ജെ.പി.നദ്ദയുമടക്കം പ്രതികരിച്ചു. അമേഠിയിലെ എംപിയായിരുന്ന രാഹുല് ഗാന്ധിക്ക് വടക്കേ ഇന്ത്യയിലെ ജനങ്ങളോട് നന്ദി വേണമെന്ന് സ്മൃതി ഇറാനിയും രൂക്ഷ വിമര്ശനമുയര്ത്തി.