മണപ്പുറം ഫിനാന്സില് നിന്ന് 20 കോടി രൂപ തട്ടിയെടുത്ത പ്രതി ധന്യാമോഹന് മാധ്യമപ്രവര്ത്തകരുടെ ചോദ്യങ്ങളോട് തട്ടിക്കയറി. കുറ്റം ചെയ്തോ എന്ന ചോദ്യത്തോട് തന്റെ ബാഗ് മുഴുവന് കാശാണ്, നിങ്ങള് വന്ന് എടുത്തോളൂ എന്നായിരുന്നു തട്ടിക്കയറിയുള്ള ധന്യയുടെ മറുപടി.
പണം എന്തു ചെയ്തു എന്ന ചോദ്യത്തിന് ചന്ദ്രനില് 5 സെന്റ് സ്ഥലം വാങ്ങിയെന്നും ധന്യ മറുപടി നല്കി. വലപ്പാട് മണപ്പുറം കോംപ്ടെക് ആന്റ് കണ്സള്ട്ടന്സി ലിമിറ്റഡില് നിന്നുമാണ് ധന്യ പണം തട്ടിയെടുത്തത്. സ്ഥാപനത്തിലെ അസിസ്റ്റന്റ് ജനറല് മാനേജരായിരുന്നു പ്രതിയായ ധന്യ മോഹന്.
ധന്യ പണം ഉപയോഗിച്ചത് ധൂര്ത്തിനും ആഡംബരത്തിനുമായിരുന്നു. ധന്യ ഓണ്ലൈന് റമ്മി കളിക്ക് അടിമയാണെന്ന് പൊലീസ് കണ്ടെത്തിയിട്ടുണ്ട്. രണ്ട് കോടി രൂപയുടെ ഓണ്ലൈന് റമ്മി കളിയുടെ ഇടപാട് വിവരങ്ങള് ഇന്കംടാക്സ് തേടിയിരുന്നു. എന്നാല് ധന്യ വിവരം നല്കിയിരുന്നില്ല.